Njëlloj si BMW 3 dhe Mercedes C, edhe Audi A4 paraqitet si një alternativë premium e një modeli me përmasa mesatare të prodhuar në masë. Sot do të përqendrohemi te gjenerata më e fundit, B9 (më saktë Type 8W). Ka qenë në treg që prej vitit 2015, duke i bërë modelet më të vjetra mjaft të përballueshme edhe për një blerës të zakonshëm të makinave të përdorura.
Carvago ofron më shumë se 10 000 makina Audi A4. Përveç disa përjashtimeve, të gjitha i përkasin gjeneratës B9. Duke pasur parasysh sa ngushtë është i lidhur Audi me teknologjinë quattro, ndoshta mund të habiteni të mësoni se sistemi katër herë katër nuk është gjithnjë i pranishëm. Vetëm rreth 40 % e makinave të disponueshme e kanë atë. Ata që kërkojnë një makinë estate do ta kenë mjaft më të lehtë të zgjedhin sesa ata që kërkojnë një sallon – trupi më praktik ka një raport prej thuajse 9:1. Diçka edhe më e theksuar është mbizotërimi i transmisioneve automatike krahasuar me manualet.
Audi A4 B9 e përdorur: Motorë, pajisje, besueshmëri
- Edhe pse modelet më të vogla Audi janë teknikisht thuajse të njëjta me makinat e makrave të tjera, si VW, Seat ose Škoda, kjo nuk mund të thuhet për makinat nga A4 e sipër. Modeli është i ndërtuar mbi një platformë të tkurrur të MLB Evo me motorë gjatësorë dhe një suspension ballor trapezoid, i cili mund të gjendet edhe te modelet e shtrenjta A8 dhe Q7. Kjo e bën të jetë më e avancuar në aspektin teknik dhe në rrugë, por rrit edhe kërkesat për shërbime.
- Viti 2020 shënoi mbërritjen e një përditësimi të ri, të quajtur ndonjëherë B9.5. Përveç ndryshimeve në linjat e trupit, solli një sistem të ri infotainment me ekran me prekje dhe një gjeneratë të re me motorë me tekologjinë hibride të lehtë.
- Pavarësisht përmasave të jashtme të ngjashme, A4 nuk është aq i bollshëm brenda sa VW Passat. Por i njëjti “problem” gjendet edhe te BMW 3 dhe Mercedes C. Arsyet janë kërkesat për hapësirë që ka motori gjatësor dhe sistemi katër herë katër me një diferencial inter-aks.
- Versioni A4 Avant estate ekziston edhe në variantin Allroad, i cili për nga emri kuptohet çfarë është. Do ta gjeni të përfshirë në gamën tonë si model të veçantë, i cili vlen edhe për variantet sportive: S4 dhe RS4.
- Audi S4 sportiv me motor 3.0 TFSI me gjashtë cilindra duket tërheqës, por ai mbart me vete rrezikun e problemeve mekanike tepër të kushtueshme shtrenjta pasi ka bërë shumë kilometra, si për shembull defekt në sistemin e fazës ose bashkues të konsumuar në diferencialin sportiv, dhe të dyja këto mund të nënkuptojnë riparime që kushtojnë me mijëra Euro.
- Edhe problemet me sistemin e fazës (dhe në versionet më të fuqishme edhe me diferencialin sportiv) nuk janë diçka e panjohur në motorin shumë të kërkuar 3.0 TDI me gjashtë cilindra me kilometrazh të lartë.
- Rekomandimi ynë është (njëlloj si në shumë raste të tjera më parë) motori 2.0 TFSI me katër cilindra në modelin 40 TFSI (140 kW/190 hp) – i qetë, fleksibël dhe mjaft i besueshëm në rrugëtimet e gjata. Gjithashtu mund të rekomandojmë motorët 2.0 TDI me naftë. Nga këta, vetëm versioni Evo 150 kW (40 TDI) nga pesë vitet e fundit të prodhimit (2020–2021) ka probleme me konsumin e lartë të vajit, njëlloj si në modelet e tjera nga VW Group.
- Ndoshta mund të pyesni: a ka ndonjë avantazh gjithë kjo teknologji me shumë kërkesa dhe shumë e shtrenjtë? Patjetër. A4 është gjithnjë më i qetë sesa një Passat apo Superb me të njëjtin motor. Gjithashtu mund të jetë jashtëzakonisht i rehatshëm dhe tejet i manovrueshëm edhe pa suspensionin sportiv. Edhe modelet që kanë motor më të dobët janë pajisur gjithnjë me versionin më të fortë të kambios DSG (e quajtur S tronic në Audi) me freksion të njomë. Cilësia e prodhimit dhe gama e pajisjeve ekstra janë gjithashtu më të mira.
- Disa variante të A4 quattro kanë sisteme katër herë katër të implementuar jo përmes një diferenciali inter-aks, por përmes freksionit më të thjeshtë multi-pllakë. Këto paraqiten me emrin “quattro ultra”. Për makinat para përditësimit, tiparet kryesore janë motori 2.0 TDI me transmision manual ose 2.0 TFSI 185 kW, ose më mirë akoma 45 TFSI (një emër i mëvonshëm për të njëjtin motor), gjithashtu me transmision manual, dhe nga viti 2018 e tutje edhe me S tronic. Pas përditësimit, quattro i zakonshëm mund të gjendet vetëm në motorët me gjashtë cilindra.
- Kur kontrollojnë makina Audi A4 B9 të përdorura, mekanikët hasin me raste rrjedhje në sistemin e ftohjes ose në kambio, sensorë NOx me defekt, dhe në kilometrazhe të larta edhe lirim të suspensionit përpara. Zakonisht pjesët elektronike të ndërlikuara në sistemin on-board nuk kanë probleme.
Nëse zgjidhni makinën Audi A4 të ëndrrave tuaja në platformën tonë Carvago.com, ne do të nisim një mekanik i cili do të bëjë një CarAudit të plotë dhe do t’ju dërgojë një raport të detajuar në lidhje me gjendjen e saj, si edhe fotografi. Nëse jeni të kënaqur me rezultatin dhe vendosni ta blini makinën, ne kujdesemi për gjithçka, që nga blerja dhe importi, deri te regjistrimi në regjistrin e mjeteve motorike. Gjithçka që duhet të bëni është të prisni momentin kur ne ta parkojmë makinën para shtëpisë suaj.
