E gjeni dot cila është vetura më e përdorur e dyta më e kërkuar në Gjermani – tregu më i madh i veturave në Evropë – menjëherë pas veturës Golf? E saktë, është C-Class, një model ekzekutiv kompakt nga Mercedes. Mallrat premium janë bërë diçka standarde.
Gjenerata e fundit, e disponueshme që prej vitit 2021, vazhdon të jetë e shtrenjtë dhe të mos gjendet lehtë për personat që kërkojnë një veturë të dorës së dytë. Ndaj sot do të përqendrohemi te gjenerata e katërt, e shitur nga viti 2014 deri dy vite më parë. Mercedes e identifikon me kodin W205 (modeli limuzinë), ose S205 (modeli karavan). Për momentin do t’i lëmë mënjanë opsionet coupé dhe kabriolet.
Aktualisht Carvago.com ofron mbi 10 000 vetura Mercedes-Benz C-Class! Veturate modelit karavan (zakonisht të emërtuara me shkronjën T) janë paksa më të shumta në treg krahasuar me modelinlimuzinë. Modeli më i famshëm është C 220d; transmisionet automatike mbizotërojnë në masë të konsiderueshme për sa i përket popullaritetit, 81:19.
Mercedes-Benz C-Class i përdorur (W205): Motorë, pajisje, besueshmëri
- Në këtë rast sigurisht nuk mund të thuhet që “po paguan për emrin”. Njëlloj si konkurrentët nga Audi dhe BMW, je duke marrë ndërtimin e mirë teknik që gjendet në veturat e mëdha luksoze, por në një paketë më të vogël.
- Kur teknologjia është më komplekse, shpesh kjo nënkupton riparime më të kushtueshme në rast aksidenti – dhe si rrjedhojë edhe siguracion më të shtrenjtë. Megjithatë, shërbimet e rregullta nuk janë medoemos të shtrenjta, ndaj nuk ka pse të keni frikë nga emri i markës në këtë aspekt.
- Për shkak të një motori me naftë dhe boshtit kardan, hapësira e C-Class nuk është aq e bollshme sa veturat e tjera me motorë transversalë dhe me rrotat e para aktive. Por mjafton për nevojat e përditshme të një familjeje.
- Rehatia që ofron amortizimi varet shumë nga specifikimet e shasisë dhe nga madhësia e rrotave. Çka mund të duket e habitshme është aftësia lëveizëse dhe shkathtësia në kthesa. C-Class mund ta kënaqë edhe një shofer që i pëlqejnë veturat sportive.
- Amortizimi premium Airmatic duket si diçka joshëse për të bërë udhëtimin të jetë pothuajse aq i rehatshëm sa disa modele më të mëdha Mercedes. Për personat që duan të blejnë një veturë të përdorur me shumë kilometra, kjo paraqet rrezikun e kostove më të larta për riparimin e kompresorëve të ajrit.
- Edhe pse C-Class ofrohej me një shumëllojshmëri motorësh, tregu është tejet i mbushur me veturat e mëparshme me katër cilindra të kompanisë dhe me pajisje relativisht modeste. Për shkak të kësaj, mund t’ju duhet pak kohë të gjeni një model me specifikimet e ëndrrave tuaja.
- Kur inspektojnë Mercedes C-Class të përdorur, mekanikët e Carvago u kushtojnë vëmendje të veçantë funksionimit të elektronikës në bord dhe transmisioneve automatike, si dhe izolimit të mirë të sistemit ftohës.
- Nga motorët me naftë, ne rekomandojmë makinat e prodhuara nga viti 2018 e më tej, të cilat Mercedes i ka pajisur me serinë e re OM654 me konsum shumë më të ulët. Modelet 180d dhe 200d kanë kapacitet prej 1.5 l, ndërsa 220d dhe 300d janë dylitërsh. Baza e fortë mekanike është e njëjtë për të gjitha.
- Motorët me benzinë kaluan te teknologjia hibride e lehtë gjatë modernizimit në vitin 2018, duke i bërë paksa më ekonomikë në disa modalitete drejtimi. Ndarja është e ngjashme edhe te modelet me naftë: nuk do të gjeni modelin dylitërsh deri te modeli C300.
- Modeli sportiv C 63 AMG i pakompromentueshëm është krejt kapitull më vete për sa i përket dinamikës dhe eksperiencës në drejtim, por edhe për sa u përket shpenzimeve. Një alternativë shumë tërheqëse për shoferët që u pëlqejnë veturat sporitve me buxhet më të ulët është motori me gjashtë cilindra C 43 AMG. Është modeli më i mirë i C-Class – është ekskluziv, argëtues, tejet i pajisur, i këndshëm për t’u drejtuar dhe shumë i rehatshëm në trafikun e përditshëm.
Kur zgjidhni Mercedes-Benz C të ëndrrave tuaja në Carvago.com, ne dërgojmë një mekanik që t’i bëjë një inspektim CarAudit të detajuar dhe që t’ju dërgojë një raport të plotë lidhur me gjendjen e saj, si edhe fotografi. Nëse jeni të kënaqur me rezultatin dhe vendosni ta blini veturën, ne kujdesemi për gjithçka, që nga blerja dhe importi, deri te regjistrimi në regjistrin e mjeteve motorike. Gjithçka që duhet të bëni është të prisni momentin kur ne të parkojmë veturën para shtëpisë suaj.
