Një zgjedhje nga seria: BMW 3 Series G20/G21

Foto: BMW

Seria 3 gjermane nuk ka nevojë për prezantime të gjata. Viti 2025 shënon pesëdhjetë vjet që kur seria u bë shembull i një veture sportive në kategorinë e përmasave mesatare, dhe vazhdon të jetë edhe sot e kësaj dite një pikë referimi me të cilën të gjitha veturat e tjera të të njëjtit tip gjykohen në sytë e shumë apasionuarvetëveturave.

Aktualisht në Carvago ne ofrojmë mbi 12 000 makina BMW Series 3. Nëntëdhjetë përqind (90%) e tyre vijnë nga gjenerata më e fundit, gjenerata e shtatë. BMW e identifikon me kodin G20, ose G21 (estate). Motorët me naftë kanë përparsi  mbi motorët me benzinë me një raport 2:1. Një raport i ngjashëm vlen për veturat me rrotat e pasme aktive/xDrive dhe makinat estate/sportive. Dhe ngaqë një numër i konsiderueshëm prej jush sigurisht po shihni BMW Seria e 3-të për motorët e tyre të fuqishëm, mund të themi se rreth një në çdo gjashtë vetura në zgjedhjen tonë ka motor 3-litërsh. Megjithatë, për momentin do ta anashkalojmë performancën e lartë sportive të BMW M3. Kjo është histori për një ditë tjetër. 

BMW 3 Series G20/G21: Motorë, pajisje dhe besueshmëri

  • Një lajm i mirë sa për të filluar: Pas një periudhe disi të pakëndshme, modeli G20 u rikthye në origjinë për sa i përket karakteristikave në rrugë dhe besueshmërisë së motorit, për të cilin kanë dëshirë shumica e blerësve të veturave të dorës së dytë.
  • Gjenerata e G20 filloi të prodhohej në vjeshtë të vitit 2018. Një përditësim në vitin 2022 solli një pamje të re me një skaj të drejtë më të ulët të dritave (i frymëzuar nga Seria e 5-të), së bashku me stilin aktual të BMW të hapësirës së brendshme, me një ekran të gjerë me kthesa, i cili kombinon një panel me tregues dixhitalë dhe ekranin qendor të sistemit. 
  • Siç ndodh shpesh me markat premium, ekziston një gamë shumë e gjerë specifikimesh në treg. Duke filluar nga veturat jo shumë të pajisura dhe me motor standard, të cilat mezi e arrijnë buxhetin e shitësit udhëtar mesatar, deri te veturat e pajisura me gjithçka që mund të zgjedhësh te mjeti i konfigurimit.
  • Për ju si blerës i një veture të përdorur, kjo nënkupton diçka të rëndësishme – sigurohuni që vetura që zgjidhni të ketë të gjitha veçoritë që doni. Kur blini nëpërmjet nesh, përfshihet gjithnjë një krahasim mes pajisjeve të reklamuara dhe pajisjeve të vërteta në inspektimin tonë CarAudit.
  • Pothuajse të gjithë kërkojnë variantet e bukura tërheqëse me paketën opsionale M (e quajtur me emra të ndryshëm në tregje të ndryshem, si për shembull M Sport, M Sport trim, etj) dhe rrotat e mëdha. Megjithatë, në rrugë të keqe udhëtimi juaj do të jetë më i rehatshëm me shasinë bazë dhe me madhësi rrotash pak më mesatare. Gjithçka varet nga përparësitë që keni.
  • Nga ana tjetër, ne mund të rekomandojmë pa frikë ulëset sportive. Pavarësisht emrit që kanë, ato kanë shumë rregullime dhe ulja në to është më e rehatshme sesa në ulëset bazë (edhe pse nuk janë aq të këqija sa kanë qenë në të kaluarën). 
  • Mos kini frikë nga veturat që kanë një paketë të plotë me sisteme për të ndihmuar shoferin (Driving Assistant Professional). Ato punojnë në mënyrë të shkëlqyer në veturat BMW, dhe pasi të keni provuar rehatinë në trafik normal, nuk do të doni kurrë të ktheheni pas.
  • Edhe pse jemi të sigurt që ju i njihni emërtimet tregtare të BMW, motorët jo medoemos përputhen me kapacitetin e motorit në vite, ndaj nuk është keq të bëjmë një përmbledhje të shkurtër: Nëse doni një motor B58 trelitërsh me gjashtë cilindra, merrni modelin M340i. Të gjithë të tjerët, nga 318i deri te 330i janë motorë dylitërsh me katër cilindra nga seria B48. Gjërat janë pak ndryshe me motorët me naftë: 318d dhe 320d kanë secili katër cilindra gjysëmlitërsh (B47), ndërsa 330d dhe M340d janë motorë B57 trelitërsh. Që prej vitit 2020, të gjithë motorët janë hibridë të lehtë si standard. Megjithatë, për ju si përdorues kjo nuk ndryshon asgjë.
  • Bëni kujdes nga veturat me xDrive (sistem me të gjitha rrotat aktive) që nuk kanë rrota origjinale ose që kanë goma të konsumuara. Sistemi xDrive është mjaft i ndjeshëm ndaj madhësisë së duhur të rrotave. 
  • Megjithatë, defektet mekanike më të rënda janë pothuajse një koncept i huaj në të gjitha njësitë e shtytjes të montuara në BMW G20/G21. Motorët me naftë kanë prirje të kenë probleme me bllokimin e valvulave EGR, megjithatë kjo është një pikë e dobët e shumë motorëve me naftë. Nëse udhëtoni kryesisht në distanca të shkurtra, si motorët me benzinë ashtu edhe ata me naftë vuajnë nga sedimentet e karbonit në thithje. Kjo mund të rregullohet duke shkurtuar intervalin e ndërrimit të vajit, duke përdorur karburante me aditivë dhe duke kombinuar rregullisht udhëtimet e shkurtra në qytet me udhëtime të gjata në autostradë.
  • Një zgjedhje që bëjnë shpesh klientët, duke përfshirë klientët tanë, është BMW 330e plug-in hybrid, i cili kombinon një motor B48 dylitërsh me një motor elektrik 80 kW. Bateria e tërheqjes mund të mso jetë në gjendje shumë të mirë te makinat e vjetra që kanë bërë shumë kilometra. Megjithatë, falë garancisë 8-vjeçare ose prej 160 000 km, shumica e ndërrimeve paguhen nga Kompania e BMW-së.
  • Në veturat që kanë bërë shumë kilometra, mekanikët tanë kanë hasur defekte me injektorët e kaburantit ose me turbot, edhe pse shumë rrallë. Ndonjëherë është e nevojshme të ndërrohet krahu i kontrollit përpara, dhe gjithashtu me raste kemi hasur defekte në amortizimin adaptiv – jo te vetë amortizatorët, por te njësia e kontrollit të tyre. Sigurisht që ne do t’ju rekomandonim vetëm një veturë pa asnjë problem.

Kur zgjidhni BMW 3 Series të ëndrrave tuaja në Carvago.com, ne dërgojmë një mekanik që t’i bëjë një inspektim CarAudit të detajuar dhe që t’ju dërgojë një raport të plotë lidhur me gjendjen e saj, si edhe fotografi. Nëse jeni të kënaqur me rezultatin dhe vendosni ta blini veturën, ne kujdesemi për gjithçka, që nga blerja dhe importi, deri te regjistrimi në regjistrin e mjeteve motorike. Gjithçka që duhet të bëni është të prisni momentin kur ne të parkojmë veturën para shtëpisë suaj.

Sdílet článek:
Condividi l’articolo:
Zdieľať článok:

Podobné články Articoli simili: Podobné články: Artikuj të ngjashëm:

Doni një veturë me një yll me tri cepa përpara por nuk ju pëlqen të jetë tepër e madhe? Atëherë mund t’ju pëlqejë Mercedes-Benz GLA. Është vetura më e…
Ndodhë rrallë të të bjerë në dorë një kryevepër si kjo. Gjatë kohës që punonte te Fiat, dizajneri amerikan, Frank Stephenson, krijoi një ikonë që njerëzit e admirojnë –…
Vetëm pak emra në botën e veturave u ngjallin emocion njerëzve në përgjithësi aq fort sa Ford Mustang. Makina legjendare amerikane me logon e kalit është duke prezantuar në…