- Pesha e automjeteve elektrike në totalin e porosive të klientëve të Carvago arriti në 26,4 % në fund të marsit
- Automjeti elektrik tipik i porositur është një mjet katërvjeçar me rreth 55 mijë kilometra të përshkuara dhe çmim pak mbi 21 100 euro
- Më shumë se një e treta e porosive EV të marsit i takoi Volkswagen me modelet ID.4 dhe ID.3
Klientët e platformës online Carvago po reagojnë ndaj situtatës së tensionuar gjeopolitike dhe rritjes së çmimeve të karburanteve duke përshpejtuar kalimin drejt mobilitetit elektrik. Të dhënat e brendshme të shitjeve për tremujorin e parë të vitit 2026 tregojnë një rritje të mprehtë të peshës së porosive të automjeteve elektrike të përdorura në javët e fundit.
Përshkallëzimi aktual i konfliktit të armatosur në Iran dhe kërcënimet e lidhura me infrastrukturën e naftës botërore kanë shkaktuar panik në tregjet e lëndëve të para. Rezultati është një rritje e papritur e çmimeve të karburanteve tradicionale në të gjithë Evropën. Pasiguria lidhur me zhvillimin e ardhshëm të çmimeve të benzinës dhe naftës veproi si një katalizator i fuqishëm i ndryshimeve në sjelljen e konsumatorëve, duke i shtyrë shoferët të kërkojnë alternativa me kosto më të parashikueshme të përdorimit.
Në shitjet evropiane të rrjetit Carvago ky trend është q artë i dukshëm. Ndërsa në dy muajt e parë të vitit automjetet plotësisht elektrike përbënin mesatarisht rreth 18 përqind të të gjitha porosive, me rritjen e çmimeve të karburanteve pesha e tyre filloi të rritej me shpejtësi. Përshpejtëzimi u intensifikua sidomos në javën e 12-të dhe të 13-të, kur pesha e EV u ngjit në 22,7 %, përkatësisht 26,4 %.
«Situata aktuale në pikat e karburanteve po e ndryshon shpejt këndvështrimin e klientëve për atë që u konvenon. Njerëzit kanë bërë llogaritë se me çmimet e sotme të karburanteve tradicionale, kthimi i investimit në një automjet elektrik të përdorur shkurtohet në mënyrë dramatike. Frika nga shtrenjtimi i mëtejshëm i naftës thjesht e theu barrierën psikologjike të atyre që deri tani e kishin konsideruar blerjen e një automjeti elektrik vetëm në mënyrë marxhinale», komenton situtatën aktuale Dardan Nimani, Head of Carvago by Gjirafa.
Të dhënat e Carvago konfirmojnë se kërkesa e marsit është e udhëhequr nga pragmatizmi. Automjeti elektrik mesatar i porositur në muajin e tretë përmes Carvago është katër vjet i vjetër, ka 55 000 km në odometer dhe kushton rreth 21 100 euro. Klientët pra zgjedhin automjete të përballueshme, të përshtatshme për udhëtimin e përditshëm në punë ose si makina e dytë në familje.
Automjeti elektrik më i porositur në mars ishte Volkswagen ID.4, i ndjekur nga ID.3 më kompakt dhe Tesla Model 3. Pesën e Top 5 e plotësojnë Hyundai Kona dhe Kia Niro.
Çdo automjet i shitur përmes Carvago i nënshtrohet një inspektimi të hollësishëm teknik CarAudit që përfshin deri në 270 pika kontrolli. Verifikimi i rreptë zbulon defekte të fshehura në përafersisht një të katërtën e automjeteve të inspektuara. CarAudit është një nga shtyllat e iniciativës së Carvago për një blerje të sigurt, e cila dëshmon se edhe blerja e një automjeti të përdorur mund të jetë një përvojë i kënaqshëm dhe pa rrezik. Iniciativa përfshin gjithashtu trajtimin e të gjitha formaliteteve, përgatitjen para shitjes, dërgesën në derë dhe një garanci gjashtëmujore me mundësinë e kthimit të automjetit brenda 14 ditëve nga marrja.
