- Afrimi i sezonit të pushimeve verore rrit çdo vit kërkesën për makina familjare shumë të gjera
- Makina ideale për një familje të madhe konsiderohet ajo që ka shtatë ulëse dhe tri pika ISOFIX në rreshtin e dytë (ose nga dy pika në rreshtin e dytë dhe të tretë)
- Në statistikat e shitjeve të Carvago, te makinat deri në 5 vjet vjetërsi dhe 100 000 km të kaluara, dominojnë monovolumet tradicionale, të kryesuara nga çifti VW Sharan / Seat Alhambra. Megjithatë, oferta në treg po pakësohet për shkak të ndërprerjes së prodhimit të tyre
Sidomos para sezonit të pushimeve verore, familjet e mëdha përballen me një enigmë të vjetër: si t’i çojnë të gjithë anëtarët e familjes në mënyrë të sigurt dhe komode deri në destinacion, bashkë me bagazhet voluminoze dhe pajisjet sportive. Prandaj, platforma ndërkombëtare Carvago, e specializuar në blerjen dhe shitjen e makinave online, ka hartuar një listë të modeleve më të shitura që mund ta përmbushin këtë detyrë të vështirë.
Si kushte bazë, analistët e Carvago përcaktuan shtatë ulëse dhe tri pika ISOFIX në rreshtin e dytë, ose nga dy pika në ulëset anësore të rreshtit të dytë dhe një rresht të tretë të plotë. Aktualisht, në këtë klasë te Carvago shiten më së miri modelet Mercedes-Benz Klasa V thuajse të reja dhe Volkswagen Multivan, të cilat megjithatë mund t’i përballojnë vetëm pak familje evropiane. Prandaj, në renditje janë përfshirë modelet më të shitura që, deri në pesë vjet vjetërsi dhe 125 000 km, mund të blihen nën 29 000 €.
“Zgjedhja e një makine familjare të plotë, që transporton në mënyrë të sigurt dhe komode tre fëmijë në karrige sigurie bashkë me të gjitha pajisjet për pushime, është sot shumë më e ndërlikuar se më parë. Monovolumet klasike po zhduken gradualisht nga ofertat e prodhuesve, ndërsa SUV-të e reja shpesh nuk i plotësojnë kërkesat e larta për hapësirë, u mungon numri i nevojshëm i pikave ISOFIX ose janë financiarisht të papërballueshme për shumicën e familjeve,” shpjegon Dardan Nimani, Head of Carvago by Gjirafa. “Prandaj, familjet po kërkojnë gjithnjë e më shpesh mes makinave të përdorura, dhe ne, falë shtrirjes sonë ndërkombëtare, mund t’i ofrojmë, t’i kontrollojmë dhe t’i dërgojmë deri para shtëpisë edhe modelet e kërkuara, që mungojnë kronikisht në tregjet vendore të makinave të përdorura.”
7 makinat më të shitura dhe të përballueshme për familjet e mëdha në Carvago
- Ford Tourneo Custom
Binjaku për pasagjerë i Ford Transit-it. Një përparësi specifike është fleksibiliteti i ulëseve të pasme, të cilat mund të kthehen lehtësisht njëra përballë tjetrës, duke krijuar në rreshtin e dytë dhe të tretë një vendosje si në një kupe treni. Në dispozicion në dy gjatësi karoserie. Buxheti mjafton për modelet e gjeneratës së parë, të prodhuara deri në vitin 2023.
- Citroën Grand C4 Spacetourer
Versioni i zgjatur i monovolumit kompakt të pëlqyer u mjafton edhe nevojave të familjeve më të mëdha. Xhami i madh panoramik i përparmë, i shtyrë larg përpara, krijon një pamje unike dhe një ndjesi hapësire. Brenda buxhetit tonë, këtu klienti merr makinën më të re, me pajisjet më të mira dhe kilometrazhin më të ulët nga e gjithë përzgjedhja.
- VW Caravelle T6
Motra më modeste e Multivan-it legjendar ofron më pak luks, por shumë ulëse dhe kapacitet të madh transporti. Edhe ajo është prodhuar në dy gjatësi, prej të cilave më e gjata ka vend madje edhe për një karrocë fëmijësh të papalosur, edhe kur janë zënë të gjitha vendet. Buxheti mjafton vetëm për makinat me pajisje bazë dhe motor bazë, por edhe ato e çojnë familjen në pushime.
- Peugeot 5008 i gjeneratës së 2-të
Një përpjekje e suksesshme për të kryqëzuar SUV-in me monovolumin. Ofron siluetën e një SUV-i me lartësi më të madhe nga toka, por brenda ka ruajtur arkitekturën me tri ulëse njësoj të gjera njëra pranë tjetrës. Krahasuar me makinat e tjera në përmbledhje, është paksa më pak i gjerë, por i plotëson kushtet bazë, përfshirë tri pikat ISOFIX. Këtu buxheti mjafton madje edhe për gjeneratën më të re (nga viti 2024), por kujdes – kjo nuk i ka më tri ulëset e veçanta me ISOFIX!
- Ford Galaxy
Të gjitha vendet në podium i zunë makina për të cilat vështirë të kuptohet pse prodhuesit ndaluan prodhimin e tyre. Në tregun e makinave të përdorura mbeten ende të njohura dhe e mbajnë shkëlqyeshëm vlerën. Për shembull, Ford Galaxy, i cili, përkundër karrocerisë së madhe, drejtohet shkëlqyeshëm dhe në rreshtin e tretë bart jo vetëm fëmijë të vegjël. Por nuk ka dyer anësore rrëshqitëse. Përveç naftës, ofrohet edhe me një sistem të suksesshëm hibrid.
- Volkswagen Touran
Në kuptimin e ngushtë i përket segmentit kompakt, por familjes i ofron më shumë se mjaftueshëm hapësirë. Për më tepër, teknikë të provuar të njohur nga VW Golf, ergonomi pa probleme dhe sisteme moderne ndihmëse. Oferta e motorëve u ngushtua gradualisht, por 1.5 TSI dhe 2.0 TDI me 110 kW mbijetuan deri në ndërprerjen e prodhimit këtë pranverë.
- Volkswagen Sharan / Seat Alhambra
Dy emra, në fakt makina krejtësisht identike. Dyert anësore rrëshqitëse janë në këtë kategori një përparësi pa konkurrencë. Ato mundësojnë vendosjen e rehatshme të fëmijëve dhe manovrimin e karrigeve të sigurisë edhe në parkingje të ngushta, pa rrezikun e gërvishtjes së makinave fqinje. Interieri dhe elektronika nuk e fshehin konstruksionin më të vjetër, por në tërësi bëhet fjalë për përfaqësuesin ideal të kategorisë së vet. Nuk është për t’u çuditur që klientët e Carvago posaçërisht atë e zgjedhin më së shpeshti.
Tri pika ISOFIX nuk janë standard
Përveç shtatë bestsellerëve të përmendur në këtë përmbledhje, tri pika ISOFIX në rreshtin e dytë të ulëseve ofrojnë edhe shumë modele të tjera të pëlqyera: ndër të tjera Ford S-MAX, Renault Espace i gjeneratës së tretë, Audi Q7 ose versionet më të pajisura të kuartetit të afërt Citroën Berlingo/Fiat Doblò/Peugeot Rifter/Toyota ProAce City Verso. Megjithatë, kjo pajisje nuk është e vetëkuptueshme te të gjitha makinat e ngjashme. Klientët do ta kërkonin më kot, ndër të tjera, te Renault Kangoo dhe Scénic, te Hyundai Staria dhe, mjaft befasueshëm, edhe te Volkswagen Caddy. As modelet e afërta Audi Q7, Porsche Cayenne dhe Volkswagen Touareg nuk kanë tri pika ISOFIX.
Ashtu si të gjitha makinat e tjera të porositura në Carvago, edhe minivanët familjarë dhe monovolumet kalojnë nëpër një inspektim teknik të detajuar CarAudit, i cili përfshin deri në 270 pika kontrolli. Kontrolli i rreptë zbulon defekte të fshehura në rreth një të katërtën e makinave të ekzaminuara. CarAudit është një nga themelet e iniciativës së Carvago për blerje të sigurt, e cila dëshmon se edhe blerja e një makine të përdorur mund të jetë një përvojë e këndshme dhe pa rreziqe. Për më tepër, nisma përfshin trajtimin e të gjitha formaliteteve, përgatitjen para shitjes, dorëzimin e makinës drejtpërdrejt para derës së shtëpisë dhe një garanci gjashtëmujore që përfshin mundësinë e kthimit të automjetit brenda 14 ditëve nga marrja e tij.
