Keni buxhet të kufizuar dhe doni një veturë praktike që duket bukur edhe sot? Atëherë Hyundai Tucson e gjeneratës së mëparshme, pra gjeneratës së tretë, duhet të jetë në listën tuaj. Vitet nuk janë treguar shumë të ashpra me të, dhe shumë njerëzve u pëlqejnë linjat elegante të saj më tepër sesa pamja e diskutueshme dhe inovative e modelit të fundit.
Aktualisht Carvago.com ofron mbi 6000 makina Hyundai Tucson. Nga këto, rreth një e katërta është e gjeneratës së tretë, të cilat prodhuesi i ka emërtuar me kodin TL. Është prodhuar për Evropën në vitet 2015-2021 në Nošovice në verilindje të Republikës Çeke. Megjithatë, Tucson është një model global në çdo skaj. Është prodhuar në 11 shtete, si Pakistan, Vietnam ose Brazil.
Hyundai Tucson i përdorur i gjeneratës së 3-të: Motorë, pajisje, besueshmëri
- Vetura ka marrë emrin nga një qytet në Arizonë, dhe shqiptohet “tuson”.
- Për sa i përket përmasave, është një veturë tipike kompakte. Gjatësia e trupit dhe baza e rrotave përputhet pak a shumë me Volkswagen Tiguan. Me kapacitetin e bagazhit prej 455 deri në 513 l (në varësi të versionit), Tucson është i madh mjaftueshëm që të shërbejë si një veturë familjare për shumë klientë.
- Ne rekomandojmë në veçanti veturat e prodhuara nga viti 2018 e më tej. Hapësira e brendshme është mjaft moderne, me një ekran “të lirë” për sistemin multimedia dhe shumë prej tyre vazhdojnë të jenë brenda garancisë 5-vjeçare nga fabrika.
- Gama e pajisjeve luksoze të disponueshme kanë konfirmuar ambicien gjithnjë në rritje të Huyundai. Më shumë se gjysma e veturave të reklamuara kanë timon me ngrohje, gjë e cila nuk ishte aspak e zakontë në atë kohë.
- Nëse nuk e njihni shumë markën Hyundai, mund të habiteni nga ergonomika e shkëlqyer e saj. Butonat janë të organizuar në mënyrë logjike dhe kanë formë të përshtatshme që t’i përdorni në mënyrë intuitive pa i parë.
- Shumica janë të pajisura me motor me benzinë 1.6 GDi 97 kW (132 hp) me transmision manual dhe me rrotat e para aktive. Falë një transmisioni me raport të afërt, Tucson ndihet më i gjerë nga sa do të prisnit prej një motori me kapacitet dhe fuqi të tillë. E kompenson konsumin e lartë me kostot e ulëta të mirëmbajtjes.
- Edhe motori me turbocharger 1.6 T-GDi me 130 kW (177 hp) nuk vuan nga ndonjë defekt i kushtueshëm. Megjithatë, ka nevojë për shumë karburant, sidomos kur kombinohet me transmision automatik dhe me katër rrotat aktive.
- Edhe modelet me naftë, të cilët janë futur gradualisht poshtë haubës së Tucson, nuk janë një vendim i gabuar. Varet plotësisht nga preferenca juaj nëse doni të zgjidhni modelin ekonomik 1.6 CRDi ose modelin e fuqishëm dylitërsh 136 kW (185 hp). Në disa raste, të dy motorët vijnë me versionin hibrid të lehtë, nga 2018 e tutje.
- Një rinovim në vitin 2018 solli gjithashtu shumë elementë modernë në pajisje, nga CarPlay (sistem i teknologjisë) deri te mbushësi me valë dhe kamerat 360°.
- Pesha më e madhe e lejueshme e trajerit mund të gjendet te motori 2.0 CRDi 136 kW me transmision manual – i cili arrin deri në 2200 kg.
- Hyundai rekomadon ndërrim të vajit në transmisione dhe në sistemin 4×4 vetëm kur përoret në kushte të vështira. Ne rekomndojmë të bëni rregullisht ndërrim të vajit pavarësisht nga kushtet pas të paktën 120 000 km.
- Sistemi i katër rrotave aktive, që vihet në punë nëpërmjet një çelësi elektro-hidraulik, është i ndjeshëm ndaj ndryshimeve në diametër midis rrotave përpara dhe mbrapa. Prandaj rekomandohet që të mos kombinoni goma të reja me goma të konsumuara, por t’i ndërroni të katërta njëkohësisht, edhe pse ky është një vendim i mençur për çfarëdolloj veture.
- Kur udhëtoni në rrugë më të mira, Tucson është i pajisur me një funksion të kontrollit të frenimit në tatëpjetë, si edhe me aftësinë për të kyçur sistemin 4×4, të cilin jo të gjithë konkurrentët e kanë.
- Një aspekt më i dobët i Huyndai si markë janë çmimet e pjesëve të këmbimit. Fatmirësisht Tucson është makinë e besueshme, por një riparim në rast aksidenti mund të kushtojë shumë.
Kur zgjidhni Hyundai Tucson të ëndrrave tuaja në Carvago.com, ne dërgojmë një mekanik që t’i bëjë një inspektim CarAudit të detajuar dhe që t’ju dërgojë një raport të plotë lidhur me gjendjen e saj, si edhe fotografi. Nëse jeni të kënaqur me rezultatin dhe vendosni ta blini veturën, ne kujdesemi për gjithçka, që nga blerja dhe importi, deri te regjistrimi në regjistrin e mjeteve motorike. Gjithçka që duhet të bëni është të prisni momentin kur ne të parkojmë veturën para shtëpisë suaj.
