Nëse po kërkoni një veturë të rehatshme e të sigurt me pak prestigj, ka gjasa që Volvo do të jetë pjesë e listës suaj. Me mbërritjen e platformës SPA, marka ka krijuar një bazë mjaft të shumëllojshme mbi të cilën ndërton modele thuajse të identike në aspektin teknik me madhësi dhe variante madhësie të ndryshme. Sot do t’u hedhim një sy modeleve më të mëdha jo-vetura të mëdha, serisë S90.
Popullariteti i varianteve individuale duket qartë nga sa të përhapura janë në treg. Carvago.com ofron aktualisht rreth 350 Volvo S90 limuzinë, 1500 Volvo V90 karavan dhe 450 nga varianti më i lartë Volvo V90 Cross Country që është i përshtatshëm edhe për udhëtimet në male.
Volvo S90 / V90 / V90 Cross Country të përdorura: Motorë, pajisje, besueshmëri
- Një avantazh i madh i këtyre veturave dhe një nga arsyet më të shpeshta për blerjen e tyre është dizajni i tyre që i reziston kohës. Qoftë nga jashtë qoftë nga brenda.
- Megjithatë, ajo që ka rëndësi më tepër është se, përveç pamjes tërheqëse, ato ofrojnë gjërat që klientët kërkojnë vërtet – një nivel i lartë i sigurisë aktive dhe pasive dhe rehati e jashtëzakonshme, me kusht që rruga të ketë të paktën cilësi mesatare.
- Disa e shohin S90 si një limuzinë luksoze, por për nga përmasat, e gjithë seria 90 është tipike e një klase ekzekutive. Disa nga konkurrentët e drejtpërdrejtë janë Audi A6, BMW 5 dhe Mercedes E-Class.
- Por ndryshe nga ata, Volvo mbështetet kryesisht te motorët transversalë me dy litra dhe me katër cilindra, të cilët gjenden më shpesh tek veturat e prodhuara në masë. Megjithatë, markës nuk i është dashur asnjëherë të përqendrohet te njohësit e veturave ose te njerëzit që mund t’i çmojnë vërtet nuancat elegante të ndërtimit inxhinierik të sofistikuar të veturave. Pikat e forta të Volvo qëndrojnë diku tjetër.
- Pak informacion teknik: Të gjithë motorët, qofshin me benzinë qofshin me naftë, kanë të njëjtin vëllim, 1969 cm3. Kjo nuk është diçka që ndodh shpesh.
- Të kuptosh emërtimet e njësive të sistemit të drejtimit mund të jetë diçka e ndërlikuar kur bëhet fjalë për Volvo. Emrat tregtarë B4 dhe B5 mund të nënkuptojnë qoftë benzinë, qoftë naftë! Modeli kryesor hibrid plub-in për disa vite quhej thjesht T, më pas T8 Twin Engine dhe vitin e kaluar u bë Recharge T8.
- Hibridet plug-in janë në veçantë në qendër të vëmendjes së Volvo. Duke filluar nga ky vit, ato janë bërë me bateri shumë më të madhe, 18.8 kWh në vend të 11.6, dhe fuqia totale e njësisë së drejtimit ka kaluar nga 390 në 455 kuaj fuqi. Energjia elektrike zgjat rreth 80 km.
- Por me raste ju duhet të udhëtoni në autostradat gjermane, mbani parasysh se nuk do të arrini ta përdorni dot gjithë atë fuqi në korsinë e majtë. Duke filluar nga viti 2021, Volvo filloi të vendoste një kufizues shpejtësie prej 180 km/h në të gjitha veturat e saj.
- Një aspekt për të cilat marka është ndjerë gjithnjë krenare janë ulëset. Një kombinim i tillë i ekuilibruar mes rehatisë dhe mbështetjes së shpinës në udhëtimet e gjeta nuk gjendet as në disa vetura luksoze me sedilje me rregullime të pafundme.
- Volvo ka qenë një nga prodhuesit e parë të veturave që ndoqi hapat e Tesla duke i kaluar shumicën e kontrolleve në një ekran vertikal. Duket bukur, por kontrollimi i sistemit Sensus gjatë udhëtimit kërkon goxha vëmendjen tuaj ndërsa drejtoni veturën.
- Amortizimi opsional pneumatik premium aplikohet vetëm në rrotat e pasme, që do të thotë se varianti Cross Country nuk ju jep mundësi të ndryshoni lartësinë nga toka. Gjithashtu në të kaluarën shpesh ka pasur defekte në kompresor. Shasia e Cross Country me distancë nga toka prej 195 mm është fatmirësisht e mjaftueshme për t’u përballur me rrugët me dhe ose me zhavorr ose me pak centimetra borë të papastruar.
- Ngaqë prodhuesi nuk e kërkon, pak pronarë e ndërrojnë vajin e kambions dhe të sistemit katër herë katër (4×4). Ne do t’ju rekomandonim që të mos e shpërfillni këtë aspekt, ose të paktën të na lejoni ne që të kujdesemi për këtë gjë. Kjo mund t’ju kursejë shumë telashe më vonë.
- Fatkeqësisht, motorët më të besueshëm, T5 dhe T6, ose hibridet e lehta të reja B4, B5 dhe B6 janë hequr nga prodhimi. Gjithashtu, inspektimet tona të motorëve D3, D4 dhe D5 me naftë kanë zbuluar probleme të ndryshme teknike. Sigurisht që nuk do t’jua rekomandonim veturën nëse gjejmë probleme të tilla.
Kur zgjidhni Volvo S90, Volvo V90 ose Volvo V90 Cross Country të ëndërrave tuaja në Carvago.com, ne dërgojmë një mekanik për t’i bërë një inspektim CarAudit të detajuar dhe ju dërgojmë një raport të plotë lidhur me gjendjen e saj, së bashku me fotografi. Nëse jeni të kënaqur me rezultatin dhe vendosni ta blini veturën, ne kujdesemi për gjithçka, që nga blerja dhe importi, deri te regjistrimi në regjistrin e mjeteve motorike. Gjithçka që duhet të bëni është të prisni momentin kur ne ta parkojmë veturën para shtëpisë suaj.
