Nëse do t’ju duhej të gjenit se kur doli në treg vetura e parë kompakte, shumica prej jush do të thoshit pothuajse me siguri që doli rreth 10 deri në 15 vjet më parë. Toyota RAV4, themeluesi i kategorisë që sot shihet gjithandej, u prezantua që në vitin 1994! Sigurisht që veturat RAV4 të sotme janë krejt ndryshe nga origjinalet. Janë më të shtruara, më të qeta dhe më të përshtatura për rrugët e qytetit sesa për rrugët e pashtruara. Por askush nuk mund ta mohojë historinë e gjatë të tyre.
Carvago.com ofron më shumë se 1300 vetura Toyota RAV4. Shumica e tyre janë nga gjenerata e fundit, gjenerata e pestë, të prodhuara duke nisur nga vjeshta e vitit 2018 – dhe brenda tyre gjendet gjendet sistemi i famshëm hibrid i Toyota. Nuk ka më motorë me naftë.
Toyota RAV4 të përdorura: Motorë, pajisje, besueshmëri
- Është pak më e madhe se VW Tiguan në çdo aspekt, që do të thotë se qëndron midis veturave kompakte dhe atyre të mesme.
- Megjithatë, nuk është kampione për sa i përket kapacitetit transportues. Edhe me ulëset e pasme të palosura, kapaciteti i vogël prej 1189 l tregon fort dhe qartë kërkesat për hapësirë që ka bateria tërheqëse e tensionit të lartë.
- Pra, e ashtuquajtura hibride paralele e Toyota është njëkohësisht gjëja më e mirë, por edhe më e keqe – varet se ku doni të udhëtoni dhe si. Sa më e zhurmshme dhe më e etur është në korsinë e majtë të autostradës, aq më e qetë dhe më ekonomike bëhet në qytet.
- Toyota ka instaluar në RAV4 variantin “e madh” të sistemit hibrid të saj, i cili përbëhet nga një motor 2.5 l me katër cilindra që ndihmohet nga një motor elektrik. Versioni AWD shton një motor elektrik tjetër për aksin mbrapa. Ndihma e tij është sigurisht më e çmuar kur e nxirrni në borë, megjithatë nuk e kthen atë në një veturë të vërtetë katër herë katër (4×4).
- Që prej vitit 2020, Toyota ofron gjithashtu një version hibrid plug-in me fuqi totale prej 225 kW/306 hp dhe distancë elektrike prej 75 km.
- Ndonjëherë njerëzit janë skeptikë kur bëhet fjalë për hibridet e përdorura ngaqë bateria e tërheqjes është e shtrenjtë. Por në praktikë, zgjidhja e Toyota ka qenë vërtet e shkëlqyer.Nëse ka ndonjë problem me baterinë, kjo ndodh me baterinë “normale” 12 V në vend se me baterinë e tërheqjes.
- Kur kontrollojnë veturat RAV4 të përdorura, me raste mekanikët e Carvago vërejnë frena të ndryshkura. Ky është një problem i shpeshtë me të gjitha veturat elektrike, pasi ato përdorin kryesisht frenimin rigjenerues dhe rrallëherë përdoren frenat mekanikë.
- Hapësira e brendshme plot me forma tejet të ndërlikuara dhe me butona të mëdhenj mund të duket jashtë mode për disa, por është kaq e lehtë në përdorim. Megjithatë, sistemi i funksionit të mbrendshëm të veturës mbetet një pikë e dobët – është i ngadaltë, i vjetëruar dhe jo shumë tërheqës. Madje as që ofronte mbështetje për pajisjet teknologjike deri kohët e fundit.
- Vitin e kaluar Toyota e zgjeroi gamën e pajisjeve të disponueshme me dy versione specifike: Aventurë me stil off-road (megjithatë, mbetet veçse stil!) dhe GR Sport, i cili kombinon pamjen dinamike me një shasi më të fortë e më sportive.
- Portat USB vijnë me standardin USB-C duke filluar nga Shtatori 2021.
- Ndoshta mund të gjeni një RAV4 hibride plug-in te një shitës i Suzuki, ku shitet me ndryshime minimale në pjesëne jashtme me emrin Suzuki Across.
Kur zgjidhni Toyota RAV4 të ëndrrave tuaja në Carvago.com, ne dërgojmë një mekanik që t’i bëjë një inspektim CarAudit të detajuar dhe që t’ju dërgojë një raport të plotë lidhur me gjendjen e saj, si edhe fotografi. Nëse jeni të kënaqur me rezultatin dhe vendosni ta blini veturën, ne kujdesemi për gjithçka, që nga blerja dhe importi, deri te regjistrimi në regjistrin e mjeteve motorike. Gjithçka që duhet të bëni është të prisni momentin kur ne ta parkojmë veturën para shtëpisë suaj.
