Një zgjedhje nga seria: Audi RS6 Avant (C8)

Foto: Audi

Mënyra më e shpejtë për të lëvizur një gardërobë? Që në mes të viteve 90, konsensusi “zyrtar” ka qenë një veturë e llojitlimuzinë sportive me katër unaza përpara. Por ndërkohë që Audi RS2 fillestar duhej përmbushte detyrimet e tij për transport me shpejtësi të lartë me vetëm 315 kuaj fuqi, pasardhësi i tij modern i quajtur RS6 Avant e dyfishon këtë.

Modeli më i mirë i serisë A6, Avant, mund të quhet një superveturë me pesë dyer pa shumë hiperbolizime. Versioni Performance arrin nga zero në 100 km/h në vetëm 3,4 s dhe paketa RS Dynamic Performance Plus mund të arrijë deri në 305 km/h. Në Carvago.com mund të zgjidhni mbi 700 vetura Audi RS6 Avant. Sot do të përqendrohemi te gjenerata më e fundit, C8, e disponueshme që prej vitit 2019. 

Audi RS6 Avant i përdorur: Motorë, pajisje, besueshmëri

  • Ngjashëm me Audi RS2, RS6 i sotëm mbart pjesërisht karakteristikat e Porsche. Motori twin-turbocharged V8 4.0 l nga seria EA825 është rezultat i bashkëpunimit mes dy markave, dhe është gjithashtu i montuar në Cayenne dhe në Panamera.
  • Një RS6 standard ka motor me tetë cilindra me 600 kuaj fuqi (441 kW) dhe 800 Nm. Opsioni Performance ofron 30 kuaj shtesë dhe 50 Nm.
  • Megjithatë, dinamikat janë tashmë mahnitëse edhe në versionin standard. Për ta ilustruar: për të përshpejtuar nga zero në 200 km/h duhen vetëm 12 sekonda!
  • Njëlloj si shumica e veturave gjermane, RS6 ka si opsion standard një kufizues shpejtësie prej 250 km/h. Paketa RS Dynamic e çon limitin deri në 280 km/h dhe tashmë kemi përmendur limitin 305 km/h më sipër.
  • Ndryshe nga gjeneratat e mëparshme, versioni RS6 aktual shkëlqen jo vetëm në korsinë e majtë të një autostrade gjermane, por edhe në rrugët me erë të fortë të maleve. Kontakti i fortë dhe saktësia e drejtimit në kthesa të lë pa fjalë.
  • Ndoshta edhe më e habitshme se karakteristikat dinamike të RS6 është aftësia e lëvizjes në trafikun e përditshëm. Kalojeni në modalitetin Comfort dhe vetura bëhet e qetë, e rehatshme dhe e këndshme, të cilën do t’ia besonit edhe një shoferi me më pak eksperiencë pa asnjë ngurrim.
  • Pavarësisht gjithë fuqisë dhe shpejtësisë që ka, RS6 Avant mbetet një veturë luksoze e rehatshme. 
  • Gama e pajisjeve komode përfshin, ndër të tjera, dritare anësore më të trasha, mbyllje e derës me servomotor ose një sistem ndihmës për shoferin.
  • Për shkak të fokusit të veturës, ka gjasa që nuk do të habiteni se motori i përmendur më sipër me performancë të lartë është në fakt një hibrid i lehtë, e madje ka aftësinë për t’i fikur katër cilindrat kur është nën ngarkesë të pjesshme. Kjo do të thotë që udhëtimi i shtruar mund t’ju japë konsum ekonomik.
  • Si standard, RS6 Avant ka amortizim adaptiv me ajër. Megjithatë, Audi ofron edhe një “sport suspension plus” me susta çeliku dhe amortizatorë adaptivë me ndërlidhje diagonale.
  • Vetura  e shfaq dinamikën e saj të pazakontë në pamjen që ka. Mbrojtëset nga balta janë 40 mm më të gjera, e vetmja gjë që ky model ka të përbashkët me një A6 standard janë dyert përpara, çatia dhe dera e pestë. Të gjitha pjesët e tjera të trupit janë specifike për versionin. 
  • Fatkeqësisht, zhurma e modelit standard lë pak të dëshiruar në raport me atë çka pritet, megjithatë Audi ofron zgjidhje në formën e një marmite sportive. Gjendet pothuajse në një në çdo gjashtë vetura të reklamuara.
  • Duke pasur parasysh gjithë sa më sipër, është e qartë se edhe si veturë e përdorur, RS6 Avant nuk është një veturë për shoferët që numërojnë çdo qindarkë. Tarifat e shërbimit dhe çmimet e pjesëve të këmbimit janë ndonjëherë disa herë më shtrenjt sesa ato për versionin A6 standard. Thjesht të ndërrosh ferrotat me kompozit karboni-qeramik kushton më shumë sesa një Volkswagen Golf i tërë i ri!

Kur zgjidhni Audi RS6 Avant të ëndrrave tuaja në Carvago.com, ne nisim një mekanik për t’i bërë një inspektim CarAudit të detajuar dhe ju dërgojmë një raport të plotë lidhur me gjendjen e saj, si edhe fotografi. Nëse jeni të kënaqur me rezultatin dhe vendosni ta blini veturën, ne kujdesemi për gjithçka, që nga blerja deri tek importimi dhe regjistrimi në regjistrin e mjeteve motorike. Gjithçka që duhet të bëni është të prisni momentin kur ne ta parkojmë veturën para shtëpisë suaj.

Sdílet článek:
Condividi l’articolo:
Zdieľať článok:

Podobné články Articoli simili: Podobné články: Artikuj të ngjashëm:

Doni një veturë me një yll me tri cepa përpara por nuk ju pëlqen të jetë tepër e madhe? Atëherë mund t’ju pëlqejë Mercedes-Benz GLA. Është vetura më e…
Ndodhë rrallë të të bjerë në dorë një kryevepër si kjo. Gjatë kohës që punonte te Fiat, dizajneri amerikan, Frank Stephenson, krijoi një ikonë që njerëzit e admirojnë –…
Vetëm pak emra në botën e veturave u ngjallin emocion njerëzve në përgjithësi aq fort sa Ford Mustang. Makina legjendare amerikane me logon e kalit është duke prezantuar në…