Zbukurimet e Krishtlindjeve po fillojnë të shfaqen nëpër dyqane, reklamat e Krishtlindjeve dalin kudo në televizor dhe bora po fillon të zbardhë malet. Fëmijët mbase mezi po presin kohën kur të fillojë dimri i vërtetë, por për shumë shoferë dimri është një makth. Prandaj po ju japim disa sygjerime praktike se si të drejtoni veturën në mënyrë të sigurt në dimër.
- Mendoni nëse vërtet keni nevojë të drejtoni veturën. Edhe nëse ju vetë jeni jashtëzakonisht i zoti në timon kur rruga zbardhet, përsëri ekziston një rrezik i madh që të bllokoheni në trafikun e shkaktuar nga dikush tjetër. Sidomos në rrugët kryesore.
- Nëse vërtet keni nevojë të shkoni diku, përdorni një aplikacion navigimi, si për shembull ‘’Waze” ose ‘’Google Maps’’, edhe nëse po zgjidhni një rrugë që e dini përmendësh. Këto aplikacione i dinë problemet që ekzistojnë në rrugë më përpara se ju.
- Ndoshta këtë e shihni kudo, por përsëri shumë prej jush e shpërfillin, ndaj po e përsërisim – sigurohuni që t’i pastroni xhamat nga akulli dhe bora! Shikueshmëria e mirë është kusht i domosdoshëm për të udhëtuar në mënyrë të sigurt.
- Edhe kjo duhet të jetë diçka që duhet zbatuar gjithmonë. Nëse vetura juaj nuk është e pajisur me goma dimri ose goma cilësore për të gjitha stinët me lulet në gjendje të mirë, as mos e mendoni të niseni. Gomat e verës në borë ose në akull janë një recetë e garantuar për të përfunduar në kanal, në rastin më të mirë, ose në lajme, në rastin më të keq.
- Mos e gënjeni veten duke besuar se do të jeni të zotë të manovroni nëse rrëshqisni vetëm ngaqë e keni lexuar ose e keni parë në një video në ‘’YouTube’’ se si bëhet. Një rrëshqitje vërtet e papritur e frikëson edhe një instruktor drejtimi në një autoshkollë për rrëshqitje, jo më një shofer normal.
- Nëse keni një model më të ri me sistem stabilizimim dhe vetura shkon drejt kur përpiqeni të merrni kthesën, thjesht mund të hiqni këmbën nga gazi dhe të prisni gjysmë sekonde. Zakonisht gomat do të arrijnë të fitojnë kontrollin dhe do të keni mundësi të merrni kthesën, edhe pse për një çast mund të shkelni në korsinë e kundërt.
- Nëse ndodh që të rrëshqisni duke u rrotulluar ose nëse vetura fillon të rrëshqasë në mënyrë të pakontrolluar, gjëja më e mirë që mund të bëni është të drejtoni timonin, të shkelni frenat dhe ta mbani pedalin e frenave të shkelur derisa të ndaloni plotësisht (kjo është shumë e rëndësishme!). Nëse keni pak fat, mund të qëndroni në rrugë, në rastin më të keq do të arrini të ulni pak shpejtësinë me të cilën do të kishit goditur pengesën që ndalon veturën në fund.
- Provoni t’i përfytyroni dy pikat e mësipërme në mënyrë sa më të detajuar që mundeni. Dhe bëjeni këtë vazhdimisht. Sigurisht që nuk është e njëjta gjë si trajnimi i vërtetë, por mund t’ju ndihmojë të reagoni pak a shumë siç duhet në një situatë kritike. Nuk është diçka e kotë, sepse teknika të ngjashme mendore përdoren edhe nga pilotët e garave ose nga ushtarët elitarë.
- Megjithatë, është mirë të mos futeni në këto lloj situatash, apo jo? Prandaj, qëndrimi që duhet të keni është të ruani plotësisht qetësinë. Tregoni kujdes me timonin dhe pedalet, dhe mbani parasysh se ka njëfarë vonese mes komandës suaj dhe reagimit të veturës. Nëse e rrotulloni timonin tepër shpejt ose nëse e shkelni fort pedalin në gjendje paniku, do të çani gomat mbi sipërfaqen e rrugës. Duhet theksuar se të ruash qetësinë nuk do të thotë medoemos që duhet të jesh i ngadaltë. Me pak praktikë mund të udhëtoni mbi borë mjaft shpejt dhe me siguri të plotë.
- Luftoni dëshirën për të korrigjuar çdo rrëshqitje të vogël ose çdo rrëshqitje të gomave. Qëndroni të relaksuar, mos e kapni shumë fort timonin, shikoni përpara sa më larg që mundeni dhe lëreni veturën “të punojë” vetë. (Kuptohet, është më e lehtë të thuhet sesa të bëhet. Prandaj kemi shkruar paragrafin më sipër.)
- Para se të ngjiteni në malore, është mirë të fitoni pak shpejtësi në mënyrë që të mos ju duhet t’i jepni gaz ndërsa jeni duke u ngjitur.
- Kur jeni në zbritje, uleni shpejtësinë (edhe nëse keni transmision automatik) dhe përpiquni të frenoni sa më pak të jetë e mundur ose aspak.
- Veturat katër herë katër (4×4) ju japin një ndjesi qëndrueshmërie në borë. Në praktikë, arsyet më të shpeshta të përplasjeve janë futja tepër shpejt në kthesë ose frenimi me vonesë (para një kthese, kryqëzimi, goditja nga mbrapa…).Në këto situata, një veturë katër herë katër (4×4) është po aq e dobishme sa një autoshkollë për rrëshqitjet në verë ku duhet ta drejtoni veturën disa herë.
- Mos qëndroni shumë pranë veturave përpara. Nëse shoferi përpara jush bën ndonjë gabim, bora nuk do t’ju lejojë të ndaloni shpejt apo të bëni një lëvizje të papritur për shmangie, edhe nëse dini si ta bëni.
- Parakalimi është i rrezikshëm për të njëjtën arsye – bora nuk ju lejon të rritni ose ulni shpejt shpejtësinë dhe të ktheheni shpejt në korsinë tuaj nëse ju del papritur përpara një veturë tjetër.
- Nëse mbrapa jush ka një varg veturash, kjo do të thotë që për të tjerët ju po udhëtoni shumë ngadalë. Nëse mund të gjeni një fund të mirë që t’i lejoni shoferët e tjerë t’ju parakalojnë, qoftë ju, qoftë ata do të ndiheni më mirë.
Dhe e fundit për rrugën – praktika ju bën të përsosur. Kur të pushojë bora, gjeni një hapësirë të madhe mjaftueshëm pa lartësi në trotuar dhe pengesa të tjera. Shikoni se si reagon vetura juaj kur merrni kthesat, kur frenoni dhe kur rritni shpejtësinë – papritur, me qetësi dhe çdo gjë midis këtyre. Nëse keni frena dore, provoni t’i aktivizoni kur merrni kthesën. Mos u shqetësoni, nuk do t’ju dëmtojnë veturën. Mbase mund të ndiheni pak qesharak, por ndenja ndjesia që do të keni kur shihni se si reagon vetura do t’ju ndihmojë të jeni më të qetë dhe më të sigurt kur në të ardhmen të udhëtoni vërtet në borë.
