Ka shumë mundësi që Passat nuk ka nevojë për prezantim, edhe për ata që nuk janë shumë të fiksuar pas veturave. Gjatë periudhës prej thuajse gjysmë shekulli në treg, është bërë modeli de fakto për një veturë të masës së mesme dhe është një nga veturat e përdorura më të kërkuara. Edhe në Carvago renditet një ndër veturat më të shitura.
Passat ka fituar popullaritetin e saj nëpërmjet dizajnit të pavdekshëm, me hapësirë të bollshme, performancës së mirë në rrugë (ditët e gjeneratës së rëndë B5 janë harruar prej kohësh) dhe kontrolleve të thjeshta. Gjithashtu ia vlen të përmendet gama e gjerë e motorëve të përdorur dhe e varianteve të sistemeve të drejtimit.
Aktualisht në Carvago mund të zgjidhni mes më tepër se 8000 veturave Volkswagen Passat, si edhe 500 të tjera nga varianti më i lartë Passat Alltrack. Gama dominohet nga pamja me ndërtimin Variant (karavan), dhe motorët me naftë përbëjnë rreth dy të tretat. Makinat VW Passat 4Motion me sistem katër herë katër (4×4) janë rreth 1400.
Volkswagen Passat B8 të përdorura: Motorë, pajisje, besueshmëri
- Veturat e reja Passat janë pothuajse gjithnjë vetura kompanie, ndaj edhe modelet e përdorura të viteve të fundit shpesh kanë bërë shumë kilometra. Kjo nuk është medoemos problem, nëse fillimisht e kontrolloni veturën te një mekanik me eksperiencë.
- Thjesht duke i hedhur një sy përreth veturës nuk do të kuptoni shumë. Passat është ndërtuar me ndershmëri, ndaj fakti që ulëset ose timoni nuk janë konsumuar apo që plastika nuk është gërvishur nuk tregon asgjë për gjendjen e vërtetë teknike.
- Gjithashtu mos u besoni shumë ideve të zakonshme lidhur me besueshmërinë e motorit. Për shembull, motori më i frikshëm me naftë 2.0 TDI bi-turbo me 176 kW nuk është i njëjtë me atë që gjendet në Multivan. Ky i fundit ka reputacion të keq, por versioni Passat është shumë i mirë.
- Në mënyrë të ngjashme, kambioja DSG është tmerr (në kuptimin e mirë) vetëm në versionin me fraksion të thatë, i cili është përdorur vetëm me motorët më të dobët. Motorët dylitërsh kanë freksione të njomura me vaj dhe nuk paraqesin rrezik. Pavarësisht kësaj rekomandojmë që pas blerjes të investoni në një ndërrim të vajit të kambios, dhe nëse zgjidhni një model me sistem 4Motion, të ndërroni vajin edhe atje.
- Edhe pse emrat e motorëve dhe kambiove kanë prirjen të mos ndryshojnë për një kohë të gjatë në VW, teknologjitë e tyre (dhe problemet e zakonshme) ndryshojnë me kalimin e viteve. Për shembull, motori 2.0 TDI filloi të kishte probleme më të shpeshta me rrjedhjet pas njëfarë kohe pasi u prezantua varianti Evo, dhe versioni 147 kW (200 hp) ka prirjen të konsumojë më tepër vaj edhe në veturat që në aspekte të tjera janë perfekte.
- Ndoshta motori më i mirë për Passat B8 është motori 2.0 TSI me 140 kW/190 hp, të cilin e kemi rekomanduar shumë herë në bloget tona. Është i qëndrueshëm, i qetë, mjaft elastik dhe falë rregullimit special, është në gjendje të konkurrojë me motorët me naftë në distanca të gjata për sa i përket konsumit.
- Pajisjet luksoze do t’i gjeni vetëm në veturat që fillimisht janë blerë për menaxherët; veturat e punonjësve të zyrave shpesh janë më modeste. Nëse po kërkoni në Carvago.com, filtrojini rezultatet sipas veçorive të pajisjeve, që të siguroheni që Passat juaj të ketë gjithçka që doni.
- Gama e opsioneve shtesë është vërtet shumë e gjerë. Një veçori që do ta rekomandonim me gjithë zemër janë ulëset ErgoActive. Nga ana tjetër, amortizatorët DCC përbëjnë pak rrezik në veturat e përdorura që kanë bërë shumë kilometra. Jetëgjatësia e tyre është e kufizuar dhe ndërrimi i tyre kushton.
- Nëse vërtet nuk ju nevojitet prakticiteti i veturëskaravan, merrni në konsideratë makinën Passat sallon. Pamjae tij me tre kuti e bën më të qetë, dhe do të habiteni se sa mirë i merr kthesat në shpejtësi të lartë.
- Një avantazh i papritur i Passat mund të gjendet poshtë dyshemesë së bagazhit – aty gjendet një gomë rezervë e plotë, diçka e rrallë në veturat e sotme.
- Kur kontrollojnë veturat Passat B8 të përdorura, mekanikët vërejnë shpesh kërcitje që vjen nga aksi përpara, mosfunksionim i ngrohjes, rrjedhje të vogla të motorit ose sisteme 4Motion problematike (këtë të fundit të shkaktuara nga mungesa e mirëmbajtjes). Sigurisht që nuk do t’ju rekomandonim të blinit një veturë të tillë.
Kur zgjidhni Volkswagen të ëndrrave tuaja në Carvago.com, ne dërgojmë një mekanik që t’i bëjë një inspektim CarAudit të detajuar dhe që t’ju dërgojë një raport të plotë lidhur me gjendjen e saj, si edhe fotografi. Nëse jeni të kënaqur me rezultatin dhe vendosni ta blini veturën, ne kujdesemi për gjithçka, që nga blerja dhe importi, deri te regjistrimi në regjistrin e mjeteve motorike. Gjithçka që duhet të bëni është të prisni momentin kur ne ta parkojmë veturën para shtëpisë suaj.
