Disa thonë se Volkswagen nuk ka dorë artistike për të krijuar një dizajn emotiv. Por Arteon thotë të kundërtën: modeli liftback me shumë stil duket fantastik edhe pas pesë vitesh në treg. Ndoshta edhe më i bukur është versioni i veçantë i modelit karavan i prezantuar në vitin 2020. Kombinimi i inxhinierisë së VW i provuar në kohë dhe i ndërtimit thuajse premium ka qenë i shkëlqyer. Edhe si veturë e përdorur, Arteon është mjaft i kërkuar dhe e ruan vlerën e tij.
Dizajni i Arteon është krijuar mbi modelin Passat. Kroskoti, për shembull, është pothuajse i njëjtë. Por ngaqë Volkswagen donte që klientët ta shihnin Arteon si një model “mbi” Passat, i dha platformën e zgjatur të Škoda Superb. Madje ndonjëherë kategorizohet si një veturë e segmentit E, edhe pse përmasat dhe ndërtimi inxhinierik i tij nuk përputhen shumë me këtë klasifikim. Në Carvago.com mund të zgjidhni aktualisht mes 2600 vetura VW Arteon të reja e të përdorura.
Volkswagen Arteon i përdorur: Motorë, pajisje, besueshmëri
- Vendin e parë në këtë gamë e zë modeli sportiv Arteon R me motor 2.0 TSI me 235 kW (320 hp). Megjithatë, ai është prezantuar vetëm kohët e fundit, në vitin 2020, prandaj vazhdon të jetë veturë e shtrenjtë edhe si veturë e përdorur.
- Viti 2020 shënoi gjithashtu fundin e motorit tejet të fuqishëm 2.0 Bi-TDI. Motori më i fuqishëm me naftë tani është versioni 140 kW (190 hp) i 2.0 TDI Evo. Edhe pse nuk e arrin egërsinë e motorit bi-turbodiesel, është më i qetë dhe më ekonomik.
- Motori me benzinë 2.0 TSI vjen si në modelin sportiv të përmendur më sipër ashtu edhe në një version më të qetë, i cili është bërë më tepër për konsum të ulët. Është i qetë, i besueshëm dhe ka mjaft fuqi në xhiro të ulëta. Megjithatë nuk mund të kombinohet me një sistem katër herë katër (4×4).
- Gama përfshin gjithashtu një hibride plug-in me motor të marrë nga Passat GTE. Nuk ka shumë kuptim ta blesh nëse nuk merr subvencion nga shteti. Megjithatë, ia vlen të merret në konsideratë si veturë e përdorur, sidomos nëse ke mundësinë të instalosh një mbushës në shtëpi dhe ta marrësh veturën me çmim të arsyeshëm.
- Ambiciet premium të Arteon janë të dukshme jo vetëm në gamën e motorëve të disponueshëm. Amortizatorët adaptivë premium mund të kenë të njëjtin shkurtim (DCC) si në Passat, por ndërtimi i tyre është krejt i ndryshëm. Për shembull, në ta është përdorur teknologjia më e fundit magneto-rheological, që është përdorur nga Audi në modelet sportive.
- Gjithashtu, dritat LED adaptive ose sistemet e asistuara të drejtimit funksionojnë pak a shumë në përputhje me standardet premium.
- Në pamje të parë, duhet të duket qartë se versioni estate i veçantë është krijuar duke vënë në radhë të parë pamjen në vend se rehatinë. Kapaciteti i tij prej 565 l lë mjaft për të dëshiruar krahasuar me standardet e ditëve të sotme për veturat e modelitkaravan kompakte (600+ l).
- Kur bëhet fjalë për funksionimin e veçorive të rehatisë dhe të komunikimit, do të gjeni më shumë lehtësi përdorimi në makinat e prodhuara para përditësimit (2020), i cili ka sjellë kontrolle me prekje, diçka e kritikuar shpesh në të gjithë gamën aktuale të prodhimeve të VW.
- Dritaret spektakolare pa korniza të Arteon nuk janë një burim zhurme të papërballueshme edhe kur udhëton në shpejtësinë e autostradave gjermane. Megjithatë duhet të siguroheni që sistemi automatik për uljen e xhamave vetëm pak mm pas hapjes së derës funksionon siç duhet në të gjitha dyert.
Kur zgjidhni Volkswagen Arteon të ëndrrave tuaja në Carvago.com, ne dërgojmë një mekanik që t’i bëjë një inspektim CarAudit të detajuar dhe që t’ju dërgojë një raport të plotë lidhur me gjendjen e saj, si edhe fotografi. Nëse jeni të kënaqur me rezultatin dhe vendosni ta blini veturën, ne kujdesemi për gjithçka, që nga blerja dhe importi, deri te regjistrimi në regjistrin e mjeteve motorike. Gjithçka që duhet të bëni është të prisni momentin kur ne ta parkojmë veturën para shtëpisë suaj.
