Vetëm pak emra në botën e veturave u ngjallin emocion njerëzve në përgjithësi aq fort sa Ford Mustang. Makina legjendare amerikane me logon e kalit është duke prezantuar në treg gjeneratën e saj të shtatë. Për blerësin e një veture të përdorur, kjo është koha më e mirë për t’i hedhur një sy gjeneratës që po përfundon, e njohur mes punonjësve të Ford dhe fansave anembanë botës si S550. (Mos e ngatërroni me versionin amerikan me emërtim të ngjashëm me tetë cilindra të Mercedesit S-class☝️😉)
Aktualisht Carvago ofron mbi një mijë vetura Ford Mustang, dhe të gjitha, përveç disa përjashtimeve, vijnë nga gjenerata S550. Modelet coupé (ose më saktë makinat Mustang Fastback) dhe kabriole janë afërsisht në raportin 7:5. Pothuajse një në pesë është manuale, të tjerat janë automatike. Dhe kur bëhet fjalë për raportin e motorëve, modeli më i shpeshtë në mënyrë absolute është modeli ikonik Coyote me vëllim 302 inç kubik, që sipas njësive “tona” është i barabartë me 4951 cm3.
Ford Mustang S550 i përdorur: Motorë, pajisje, besueshmëri
- Modeli S550 ishte i pari të cilin Ford planifikonte ta shiste në Evropë që nga fillimi, dhe kjo gjë u reflektua edhe në zhvillimin e tij. Megjithatë, në treg ka mjaft vetura të importuara nga SHBA-të. Ne do t’ju rekomandonim të zgjidhnit nga tregu i veturave evropiane. Do t’i kursenit vetes problemet e mundshme gjatë testit MOT (ndryshimet klimatike) dhe në varësi të modelit specifik, makinat Mustang amerikane mund të kenë frena ose sistem ftohës më të dobët.
- Është pikërisht kërkesanga klientët evropianë që e bëri S550 një produkt shumë më të rafinuar se modelet e mëparshme.Kur e sheh nga afër, duket që nuk është një veturë e sajuar në oborrin e shtëpisë, dhe aksi i fortë mbrapa është zëvendësuar me një transmision të pavarur, të ngjashëm nga ana strukturore me atë të veturave Ford evropiane (të cilat, fatkeqësisht janë hequr nga prodhimi, megjithatë kjo është një histori për t’u diskutuar herë tjetër).
- Pavarësisht formës sportive, motorit të fuqishëm dhe rrotave të pasme aktive, Mustang vazhdon të jetë më tepër një veturë elegante sesa veturë sportive në kuptimin evropian të fjalës. Duhet ta sforcosh vërtet që të xhirojë gomat dhe nuk i merr shumë mprehtë kthesat e forta në male. Përveçse nëse po flasim për versionet Shelby (të cilat janë importuar në Evropë vetëm në mënyrë jozyrtare).
- Në veçanti Mustang Shelby GT350 është projektuar dhe është përshtatur për pistën e garave. Nga ana tjetër, Shelby GT500 i dhunshëm me 567 kW (760 kuaj fuqi‼️), është gati të shkëlqejë në pistën e nisjes.
- Shitësit shpesh kanë probleme me emërtimin e duhur të modeleve. Mënyra më e lehtë për të dalluar modelet e vërteta Shelby është nga kapaciteti i motorit – i cili është 5163 cm3 në të dyja rastet.
- Njëfarë vlere për koleksionim i bashkëngjitet gjithashtu edicioneve të limituara të Mustangut “standard”: Bullitt, i frymëzuar nga filmi legjendar me po të njëjtin emër, dhe Mach1, i cili merr frymëzimin nga varianti sportiv i prezantuar në fund të viteve 60.
- Nuk ka kuptim të shohësh ndonjë motor tjetër përveç motorit me tetë cilindra. Motori bazë Cyclone 3.7 l me gjashtë cilindra, i cili nuk disponohet në Evropë, nuk ka asgjë tjetër përveç çmimit, motori EcoBoost 2.3 l me katër cilindra praktikisht ka lidhje gjaku me problemet teknike, si nxehje ose bllokim i shpejtë me depozitime karboni.
- Nga ana tjetër, motori me tetë cilindra konsiderohet në përgjithësi si motor pa probleme. Në Amerikë, ku ka shumë vetura Mustang, ekzistojnë raste të njohura të bllokimit të kollodokut. Por një motor e tregon që është problematik nëpërmjet dridhjeve dhe zhurmës. Tregues të tjerë janë rënia e presionit të vajit (për shkak të konsumit të guarnicioneve) dhe prania e grimcave metalike në vaj. Megjithatë, ne nuk i kemi hasur asnjëherë në praktikë këto probleme, dhe sikur t’i kishim hasur, sigurisht që nuk do ta rekomandim këtë veturë.
- Kur kontrollojnë vetura Mustang të përdorura, mekanikët tanë vërejnë me raste ndryshkje të parakohshme, probleme kozmetike në lyerje ose në hapësirën e brendshme, ose lirim të amortizatorëve. Nuk bëjnë përjashtim veturat e përplasura të riparuara nga joekspertë. Megjithatë, nëse vërejmë probleme të tilla, thjesht do t’ju ndihmojmë të gjeni një veturë tjetër të të njëjtit model që nuk ka probleme.
Kur zgjidhni Ford Mustang të ëndrrave tuaja në Carvago.com, ne dërgojmë një mekanik që t’i bëjë një inspektim CarAudit të detajuar dhe që t’ju dërgojë një raport të plotë lidhur me gjendjen e saj, si edhe fotografi. Nëse jeni të kënaqur me rezultatin dhe vendosni ta blini veturën, ne kujdesemi për gjithçka, që nga blerja dhe importi, deri te regjistrimi në regjistrin e mjeteve motorike. Gjithçka që duhet të bëni është të prisni momentin kur ne të parkojmë veturën para shtëpisë suaj.
