Një zgjedhje nga seria: Alfa Romeo Stelvio

Edhe pse nuk mund të konkurrojë me rivalët gjermanë për sa u përket shitjeve, kjo nuk do të thotë që s’ka asgjë për të ofruar. Alfa Romeo Stelvio është një veturë luksoze e ndërtuar mirë e cila ofron një eksperiencë të këndshme udhëtimi – që normalisht nuk do ta prisnit nga një markë me sloganin “cuore sportivo” (zemra sportive) – së bashku me cilësinë  e prodhimit dhe besueshmërinë e lartë mekanike

Aktualisht Carvago.com ofron mbi 1700 Alfa Romeo Stelvio. Çmimi i tyre fillon nga numri magjik prej 500 000 marka CZK. Nuk është për t’u habitur për në një veturë të kësaj kategorie motori me naftë luan rolin kryesor – ata mbizotërojnë ndaj motorëve me benzinë me raportin 2:1. Është interesante që veturat Stelvio shpesh kanë kilometrazh të ulët. Kilometrazhi mesatar mes veturave që gjenden në Carvago është rreth 50 000 km.

Alfa Romeo Stelvio e përdorur: Motorë, pajisje, besueshmëri

  • E kemi cekur tashmë pak, por është mirë ta përsëritim: Është shumë më e besueshme nga ç’mund ta mendoni. Platforma Giorgio, në të cilën bazohen Stelvio dhe, Giulia, është projektuar dhe ndërtuar mirë, pothuajse pa marrë parasysh shpenzimet, dhe është dimensionuar edhe për modele më të mëdha e më të rënda, pavarësisht se cila do të arrinte në fazën e prodhimit. Si rrjedhojë, gjëra të tilla si, pjesët prej alumini të amortizimit mund të zgjatin  udhëtimin me qindra mijëra kilometra pa asnjë problem.
  • Për sa i përket madhësisë, Stelvio krahasohet pak a shumë me BMW X3, që do të thotë se është një gjigant i vërtetë. Megjithatë i përballon lehtësisht nevojat e një familjeje normale kur bëhet fjalë për hapësirën e disponueshme në ulëset e pasme dhe në bagazh (525 l).
  • Pjesa e poshtme është ndërtuar me kujdes për lehtësi lëvizjeje. Si rrjedhojë, Stelvio i lartë dhe i rëndë nuk i zbut gropat aq bukur sa Giulia. Nuk është më i ngurtë sesa konkurrenti gjerman, megjithatë as nuk do të rrëshqisni me të.
  • Për sa i përket performancës në rrugë dhe eksperiencës në udhëtim, Stelvio është një nga më të mirët në segmentin e tij. Kjo vlen sidomos për versionin me rrotat aktive mbrapa. Sidoqoftë, kuptohet që shumica prej jush do të zgjidhnit një 4×4 për hir të komoditetit dhe sigurisë.
  • Një dimension krejt i ri i kënaqësisë në udhëtim shpaloset nga versioni sportiv Quadifoglio, me një motor të shpejtë Ferrari dhe një shasi të modifikuar bukur.
  • Stelvio mund të jetë gjithashtu mjaft praktik. Ai nuk ka frikë nga rrugët normale të pashtruara, dhe variantet 4×4 mund të tërheqin trajlera që peshojnë deri në 2300 kg.
  • Nëse ka një vend ku mund t’ju duhet të bëni kompromis, është hapësira e brendshme. Cilësia e materialeve dhe e sistemit në bord mbetet goxha mbrapa disa prej konkurrentëve më të mirë. Megjithatë, nuk janë këto gjërat që i vënë rrotat në lëvizje.
  • Nga këndvështrimi i besueshmërisë, zgjedhja më e rrezikshme nuk është 2.2 JTDm apo Quadrifoglio i shpejtë, por një motor i mërzitshëm 2 l me benzinë. Ndërtimi mekanik i ndërlikuar i tij ka prirjen të bllokohet nga depozitimet e karbonit, sidomos nëse udhëtoni shpesh për distanca të shkurtra.
  • Shumica e problemeve janë rregulluar me sukses vite më parë falë përditësimeve të softuerit ose modifikimeve në projektim. Kur inspektojnë Stelvio të përdorura, mekanikët e Carvago gjejnë shpesh rrjedhje të vogla ose një sensor problematik të grimcave të ngurta në filtër – i cili fatmirësisht nuk është problem i vetë filtrit.

Për transmisionin katër herë katër (4×4), Alfa rekomandon që ndërrimi i vajit të bëhet çdo 120 000 km. Gjithashtu rekomandojmë që të përfitoni nga kjo mundësi për të ndryshuar vajin në transmisionin automatik ZF, edhe pse prodhuesi nuk e kërkon këtë gjë. Kur zgjidhni Alfa Romeo Stelvio të ëndrrave tuaja në Carvago.com, ne dërgojmë një mekanik që t’i bëjë një inspektim CarAudit të detajuar dhe ju dërgojmë një raport të plotë lidhur me gjendjen e saj, si edhe fotografi.Nëse jeni të kënaqur me rezultatin dhe vendosni ta blini veturën, ne kujdesemi për gjithçka, që nga blerja deri te importimi dhe regjistrimi në regjistrin e mjeteve motorike. Gjithçka që duhet të bëni është të prisni momentin kur ne të parkojmë veturën para shtëpisë suaj.

Sdílet článek:
Condividi l’articolo:
Zdieľať článok:

Podobné články Articoli simili: Podobné články: Artikuj të ngjashëm:

Doni një veturë me një yll me tri cepa përpara por nuk ju pëlqen të jetë tepër e madhe? Atëherë mund t’ju pëlqejë Mercedes-Benz GLA. Është vetura më e…
Ndodhë rrallë të të bjerë në dorë një kryevepër si kjo. Gjatë kohës që punonte te Fiat, dizajneri amerikan, Frank Stephenson, krijoi një ikonë që njerëzit e admirojnë –…
Vetëm pak emra në botën e veturave u ngjallin emocion njerëzve në përgjithësi aq fort sa Ford Mustang. Makina legjendare amerikane me logon e kalit është duke prezantuar në…