Artikulli ynë i fundit lidhur me motorët e besueshëm është pritur shumë mirë. Sot do ta marrim nga një këndvështrim tjetër dhe do të shohim motorët që nuk do t’ju zhgënjejnë edhe pas shumë vitesh pune dhe pas qindra mijëra kilometrash. Do të përqendrohemi edhe një herë kryesisht te veturat që klientët e Carvago blejnë më shumë, pra ato që janë jo më tepër se dhjetëvjeçare. Kjo është arsyeja kryesore pse këtu nuk do të gjeni vetura të vjetra me benzinë me katër cilindra pa turbo dhe me injeksion direkt nga Honda ose Toyota, të cilat shumë njerëz me të drejtë i konsiderojnë si motorët më të besueshëm të të gjitha kohërave.
Ndryshe nga lista jonë me motorët problematikë, zgjedhja e pesë kandidatëve për artikullin e sotëm nuk ishte diçka e lehtë. Arsyeja nuk është ngaqë ka kaq pak motorë të besueshëm. Është krejt e kundërta. Kemi Skyactiv-G nga Mazda, VW 1.0 TSI ose 2.0 TDI Evo 110 kW, PSA 1.6 BlueHDi, Renault 1.6 dCi dhe dhjetëra motorë të tjerë që ju bëjnë të flini të qetë duke ditur që nuk ka pse të shqetësoheni asnjëherë për defekte mekanike totale. Mund të gjeni motorë të besueshëm që nuk krijojnë probleme mes versioneve më të fundit të njësive të cilat historikisht kanë pasur reputacion të keq, si për shembull VW 1.2 TSI, Ford 1.5 EcoBoost, PSA 1.6 THP e të tjera. Inspektimet tona CarAudit do të zbulojnë çdo defekt të mundshëm në njësitë e veçanta, të shkaktuara më shpesh nga mosrespektimi i intervaleve të mirëmbajtjes sesa nga problemet në ndërtim.
Në fund vendosëm të përfshijmë pesë njësi shumë të ndryshme të mëdha, të cilat mund të ngrenë dyshime lidhur me besueshmërinë për shkak të historisë, origjinës ose ndërtimit të tyre, por të cilat në praktikë kanë dalë të shkëlqyera.
Fiat 1.2 dhe 1.4 FIRE (Deri në vitin 2020)
Të përdorura te veturat:Fiat 500, Fiat Panda, Lancia Ypsilon (1.2), Fiat Tipo (1.4)
Lexuesit tanë italianë ka gjasa të tundin kokën në shenjë mosbesimi, por publiku në përgjithësi në alpe vazhdon të mendojë se marka Fiat nuk është e besueshme, thjesht nga forca e zakonit. Ne e dimë sigurisht që kjo nuk është e vërtetë dhe nuk ka qenë e vërtetë prej goxha kohësh. Dhe djemtë në Torino e dinë se gjërat që vetura nuk i ka, nuk mund të prishen – Fiat ka vazhduar ta ruajë këtë recetë tradicionale të besueshmërisë për kohë shumë më të gjatë sesa markat e tjera. Nga ana mekanike, motorët e thjeshtë me katër cilindra që i kanë rrënjët e projektimit që në mes të viteve 80, në rastin e motorit 1.2 l edhe duke përdorur vetëm teknologjinë me tetë valvula, ka arritur t’iu përmbahet standardeve të emetimit deri në vitin 2020. Njësia më e vogël, e cila gjendet më shpesh në modelin ikonik Fiat 500, ka tani avantazhin e rrallë të hapësirës së madhe midis valvulave dhe fundit të pistonit në pjesën qendrore të sipërme – pra edhe nëse rripi i fazës këputet, nuk ekziston rreziku i përplasjes mes pistonave dhe valvulave. Këta motorë janë mes pak motorëve të rrallë të dhjetë viteve të fundit të cilët ia kalojnë vetë veturës për nga jetëgjatësia, me kusht që të ndiqen rregullat bazë të mirëmbajtjes.
Ford 2.0 TDCi (Deri në vitin 2019)
Të përdorura te veturat: Ford C-Max, Focus, Galaxy, Kuga, Mondeo, S-Max
Një mbetje e bashkëpunimit mes Ford dhe PSA Group solli gradualisht ndërtimin e një prej motorëve më të besueshëm me naftë në treg. Ford i ka përshtatur gjithnjë disi detajet e imëta të dizajnit francez sipas pëlqimeve të veta. Për shembull, kur standardet për emetimet detyruan përfshirjen e një filtri të grimcave të naftës, Ford e trajtoi rigjenerimin e saj jo nëpërmjet një aditivi special siç bëri Citroen dhe Peugeot, por nëpërmjet një vaporizuesi të naftës, të ashtuquajtur “injektor i pestë” në tubin e marmitës. Besueshmëria e shkëlqyer e motorëve TDCi të prodhuar në vitete e mëvonshme erdhi edhe pjesërisht falë faktit se ata arritën të përmbushin standardin e emetimeve Euro 6.1 në vitin 2015 pa qenë nevoja të përfshinin një sistem reduktimi katalitik selektiv me injeksion AdBlue, i cili, për një kohë , ishte thembra e Akilit e pothuajse të gjithë prodhuesve. Me mirëmbajtjen e duhur, motori 2.0 TDCi i kalon lehtësisht gjysmë milioni kilometra. Ndoshta edhe më i habitshëm është fakti se edhe varianti bi-turbo mund të ofrojë besueshmëri të mirë.
Renault 1.3 TCe (Nga viti 2019)
Të përdorura te veturat: Dacia Duster, Renault Clio, Captur, Mégane etj., Nissan Qashqai dhe X-Trail, Mercedes-Benz A-Class, B-Class, CLA, GLA, GLB
Ky motor mund të quhet mësim i nxjerrë nga një krizë. Pas motorit 1.2 l nga artikulli i mëparshëm, i cili, të paktën në Evropë, ishte katastrofa më e madhe në motor e dhjetëvjeçarit të fundit, Renault ishte shumë i kujdesshëm në ndërtimin e motorit të radhës, e madje ftoi inxhinierët e projektimit nga Mercedes-Benz, bashkëpunëtorin e rastësishëm të kësaj marke. Falë ftohjes së projektuar më mirë dhe ngrohjes elektrike shtesë, njësia punon si një orë dore. Një bonus i këndshëm janë xhirot e ulëta që vërtet nuk priteshin. Një nga motorët e vegjël më të mirë në tregun e sotëm.
Toyota 1.8 Hybrid (dhe praktikisht të gjitha sistemet hibride të veturave Toyota dhe Lexus)
Të përdorura te veturat: Toyota Auris, Corolla, C-HR, Prius
“Ky nuk do të sjellë asgjë tjetër veçse telashe” ishte ndjesia që kishin shumë njerëz, përfshirë edhe ekspertë, kur Toyota filloi të shiste modelin e saj Prius që vihej në punë nga një kombinim i ndërlikuar i një motori me ndezje me shkëndija që punonte në një të ashtuquajtur cikël Atkinson me hapje më të gjatë të valvulave të thithjes, një transmision planetar (të cilin shumë veta vazhdojnë ta shohin gabimisht si një variator për shkak të emërtimit ngatërrues eCVT) dhe një motor një motori elektrik që vihet në punë nga një bateri me tension të lartë. Por koha ka vërtetuar krejt të kundërtën. Prius dhe modelet e tjera hibride nga Toyota Kombinojnë konsumin shumë të ulët në qytet me besueshmërinë e jashtëzakonshme. Bateria mund ta humbasë një pjesë të kapacitetit pas disa vitesh përdorimi, që do të thotë se motori me djegie duhet të punojë më fort dhe konsumi rritet, por shumë rrallë ndodh që të dështojë plotësisht. Fakti që motori nuk ishte thjesht diçka e rastësishme u konfirmua nga modelet e tjera të sistemeve hibride, duke përfshirë njësitë më të mëdha e më të fuqishme të montuara në modelet luksoze nga Lexus, kompania motër e Toyota.
Volkswagen 2.0 bi-TDI
Të përdorura te veturat: Škoda Kodiaq RS, VW Arteon, Passat, Tiguan Allspace
Prit pak, çfarë do këtu motori famëkeq nga multi-fugoni? Mos ndoshta humbi rrugën tek artikulli i mëparshëm? Aspak. Sepse po flasim për përfaqësuesin në emër nga seria EA288 me ndërtim shumë më rezistent. E kemi përfshirë në listë kryesisht si provë se edhe një njësi komplekse nga ana teknike siç është ky motor modern turbo-diesel me performancë të lartë i shoqëruar me çdo burim të mundshëm problemi teknik, duke përfshirë dy turbocharger-a, mund t’u bëjë ballë viteve të tëra punimi pa mëshirë në korsinë e majtë të një autostrade gjermane, për sa kohë pronari ndjek rekomandimet e prodhuesit për shërbimet. Në këtë rast, faktori më i rëndësishëm është intervali i ndërrimit të rripit të fazës, i cili përgjysmohet krahasuar me versionet më të dobëta të motorit 2.0 TDI. Është për të ardhur keq që në vitet 2020–2021, motori bi-TDI u zhduk gradualisht nga portofoli i VW pasi nuk mund të përmbushte standardet gjithnjë e më të rrepta për emetimet.
Mos ndoshta keni një veturë që ka një nga këta motorë ose po planifikoni të blini një të tillë nga ne në Carvago.com? Urime. Por mbani parasysh se besueshmëria e tyre mbi mesataren nuk nënkupton që mund ta shpërfillni mirëmbajtjen. Në përgjithësi, motorët modernë me injeksion direkt, me filtra grimcash, me riqarkullim të tymrave dhe me pjesë të tjera për “emetimet” – që gjenden në tre nga pesë zgjedhjet tona – nuk janë shumë të zotë kur përdoren shpesh për distanca të shkurtra, pasi shkaktojnë formim të depozitimeve të karbonit dhe shpesh në hollimin e vajit me benzinë ose naftë. Nëse nuk doni që vetura t’ju lërë në mes të rrugës, mos harroni që jo vetëm të respektoni intervalet e shërbimeve, por edhe specifikimet e vajit të rekomanduar nga prodhuesi. Motorët e sotëm kanë prirjen të jenë shumë më të ndjeshëm nga ç’kanë qenë në të kaluarën. Nëse e përdorni më shpesh veturën për udhëtime brenda qytetit, rekomandojmë që ta shkurtoni intervalin e ndërrimit të vajit në dhjetë deri në pesëmbëdhjetë mijë kilometra. Nëse blini një veturë me ne, do të marrim masa me kënaqësi për të kryer shërbimet bazë para se t’ju dorëzojmë veturën.
