Veturat elektrike po bëhen shpejt një mundësi e fortë zgjedhjeje për popullin në tregun e veturave. Aktualisht Carvago.com ofron më shumë se 70 000 vetura elektrike dhe 120 000 hibride. Për t’jua bërë sa më të lehtë të futeni në botën e veturaveelektike, kemi krijuar një seksion të posaçëm në Carvago.com vetëm për veturat elektrike dhe hibride, kemi zgjeruar të dhënat teknike që renditim për veturat e reklamuara, dhe tani kemi krijuar edhe këtë fjalor të fjalëve dhe shkurtimeve që mund të hasni me veturat elektrike.
AC
Rrymë alternuese. Rryma elektrike në prizat tuaja standarde. Zakonisht përdoret për të mbushurveturën tuaj elektrik në shtëpi ose në punë. Mbushja me rrymë alternuese është më e ngadaltë, por e dëmton më pak baterinë.
Ah
Amper-orë. Njësi që shpreh kapacitetin e baterisë për fuqinë tërheqëse. Përdoret në disa vetura hibride, rrallëherë te veturat elektrike (BMW i3 bën përjashtim, për shembull).
Akumulator
Shiko Bateria.
Akumulatori i fuqisë tërheqëse
Shiko Bateria.
Veturë elektrike
Një veturë që vihet në punë nga një ose disa motorë elektrikë që marrin energji nga një bateri e fuqisë tërheqëse.
Bateria
Një pajisje që përdoret për të ruajtur energjinë elektrike në një veturë elektrike. Për të bërë dallimin nga një bateri e zakonshme për të vënë në punë motorin, ndonjëherë quhet bateria e fuqisë tërheqëse (pra bateria që përdoret për të gjeneruar fuqinë tërheqëse) në veturat elektrike. Ajo përbëhet nga pila, shpesh të pozicionuara në module të cilat mund të ndërrohen veç e veç. Kapaciteti i saj shprehet në Ah ose kWh.
Bateria e fuqisë tërheqëse
Shiko Bateria.
BEV
Veturë elektrike me bateri. Shiko Veturë elektrike.
CCS
Sistem i kombinuar i mbushjës. Lloji i konektorit të mbushjës që përdoret më shpesh në Evropë. Kombinon hyrjet për mbushjën me rrymën alternuese dhe rrymën direkte në një të vetëm.
DC
Rrymë direkte. Përdoret te mbushësit e shpejtë, pasi mund të arrijë fuqi më të lartë mbushjeje.
Distanca
Distanca që mund të përshkojë një veturë elektrike për mbushjën e baterisë. E përmendur në përputhje me një procedurë testi të harmonizuar mbarëbotërore (WLTP), e cila përdoret gjithashtu për të matur konsumin e karburantit ose emetimet e CO2 të veturave të pajisura me motorë me djegie të brendshme. Te veturat hibride, ndonjëherë mund të hasni shprehjen “distanca elektrike” për të bërë dallimin nga distanca totale e veturave.
Drejtimi me një pedal
Disa vetura elektrike bëjnë të mundur që frenimi rigjenerues të vendoset kaq lart saqë vetura ngadalëson mjaftueshëm vetëm duke hequr këmbën e pedalit të “gazit” Kjo do të thotë që në shumicën e situatave të drejtimit të veturës, nuk ka nevojë fare të përdorni pedalin e frenimit.
EV
Veturë elektrike. Përdoret gjithashtu me raste për hibridet plug-in.
Frunk
Një kombinim i fjalëve “front trunk” (bagazhi përpara), pasi disa vetura elektrike e kanë bagazhin poshtë haubës përpara.
Fuqia e mbushësit
E thënë më saktë, fuqia input, edhe pse kjo e fundit rrallëherë përdoret në praktikë. Shpreh fuqinë që përdoret për të rikthyer energjinë elektrike në bateri gjatë mbushjës. Në varësi të ndërtimit të stacionit të stacionit të mbushësit dhe të vetë baterisë.
Hibride
Një veturë që vihet në punë nga një kombinim i një motori me djegie dhe një ose disa motorë elektrikë.
Hibride e lehtë
Një lloj veture hibrid ku një motor me djegie të brendshme ndihmohet nga një motor elektrik që vihet në punë nga një bateri e vogël.
Hibride e plotë
Një lloj veture hibrid që vihet në punë nga një kombinim i një motori me djegie të brendshme dhe një motor elektrik, dhe kalon automatikisht mes tyre sipas nevojës. Në disa situata, një hibride e plotë mund të lejojë drejtimin vetëm me energji elektrike. Nuk mbushet nga një burim i jashtëm; në vend të kësaj përdor frenimin rigjenerues.
Hibride me vetëmbushje
Hibride e lehtë ose hibride e plotë, llojet e veturave elektrike që nuk kanë aftësinë për t’u mbushur nga një burim i jashtëm.
Hibride plug-in
Një lloj veture hibrid që mund të mbushet nga një burim i jashtëm.
CHAdeMO
Një lloj konektori i mbushjës së shpejtë, i cili përdoret më së shumti në Japoni. Emri nuk është shkurtim i fjalëve teknike, por një shkurtim i shprehjes “o CHA deMO ikaga desuka” (Si thua për një filxhan çaj?).
Ionity
Një rrjet evropian me stacione mbushjeje të shpejta, i ndërtuar nga një bashkëpunim i disa prodhuesve të veturave. Stacionet Ionity zakonisht ndodhen pranë rrugëve ndërkombëtare kryesore dhe mbushësit ofrojnë fuqi karikimi deri në 350 kW.
Kapaciteti i baterisë
Sasia e energjisë që mund të ruajë një bateri. Listuar në amper-orë ose në kilovat-orë. Një pjesë e kapacitetit të baterisë mbetet gjithnjë e papërdorur për arsye teknike, dhe kjo sjell një ndryshim mes kapacitetit të vlerësuar (nominal) dhe atij të përdorshëm.
Kapaciteti i përdorshëm i baterisë
Shiko Kapaciteti i baterisë
Mbushës i shpejtë
Mbushës me rrymë direkte nga stacionet publike. Zakonisht është më i shpejtë se mbushësi standard DC.
Mbushës i montuar në mur
Shiko Wallbox
Mbushës në bord
Një pajisje që konverton rrymën nga priza në rrymë direkte, që më pas përdoret për të mbushur baterinë. Disa mbushës në bord bëjnë të mundur mbushës me rrymë alternuese me fuqi deri në 22 kW.
Koha e mbushjës
Koha që nevojitet për të mbushur baterinë deri te kapaciteti maksimal i mundshëm. Për mbushësin me rrymë alternuese, shpesh tregohet për mbushësin deri në 100 % në orë; për mbushësin e shpejtë me rrymë direkte, shpesh tregohet për intervalin 10-80 % në minuta.
Konektori i mbushësit
Vendi për lidhjen e një kablloje mbushësi me sistemin e tensionit të lartë të një veture. Shiko gjithashtu CCS, CHAdeMO, Type 1, Type 2.
kW
Kilowatt. 1000 watt. Një njësi fuqie. Përdoret në industrinë automobilistike për të shprehur fuqinë e motorëve me djegie të brendshme dhe atyre elektrikë, në automjetet elektrike përdoret edhe për të shprehur fuqinë e mbushësit, ose fuqinë input.
kWh
Kilowatt-orë. Sasia e energjisë që duhet për të dhënë 1000 W fuqi për një orë. Kilowatt-orë është mënyra më e shpeshtë për të shprehur kapacitetin e baterisë.
Lakorja e mbushësit
Shpreh luhatjen në fuqinë e mbushjes në varësi të gjendjes aktuale të mbushësit të një baterie.
Mennekes
Shiko Type 2.
Pompë nxehtësie
Një pajisje për shkëmbimin e nxehtësisë. Dobia e saj kryesore në veturat elektrike është rënia e madhe në sasinë e energjisë elektrike që merret nga bateria për të ngrohur kabinën në dimër.
Rikuperim (Frenim rigjenerues)
Në përgjithësi është një fjalë për rikuperimin e energjisë. Në mënyrë specifike për veturat elektrike dhe hibride, rikuperimi zakonisht zëvendësohet me shprehjen “frenim rigjenerues”, që do të thotë grumbullimi i energjisë kinetike gjatë frenimit ose lëvizjes prej inercisë dhe transformimi i saj në energji elektrike.
Type 1
Tipi standard i kabllos së mbushësit për mbushje AC që përdoret në Amerikën e Veriut.
Type 2
Tipi standard i kabllos së mbushësit për mbushjenAC që përdoret në Evropë. Njihet gjithashtu me emrin Mennekes, pas kompanisë gjermane që e ka projektuar.
V2L
Veturë-Ngarkesë. Një veçori që bën të mundur që energjia elektrike nga një bateri e fuqisë tërheqëse të përdoret për të vënë në punë pajisje, si për shembull vegla me korrent, pajisje kampingu etj. në vende ku nuk ka një prizë elektrike.
Wallbox
Një mbushës i montuar në mur për të mbushur automjetet elektrike dhe hibridet plug-in në shtëpi ose në punë. Krahasuar me mbushësin nga priza, mund të mbushë me më shumë fuqi pasi ka avantazhin e veçorive të ndryshme onlne, si mbushësi i planifikuar, kontrolli në distancë etj. Mund të instalohet vetëm nga një person i autorizuar.
