Keni frikë nga parkimi paralel? Kushdo mund ta bëjë nëse ndjek udhëzimet tona

Foto: Audi

E gjeni dot cila lëvizje u ngjall më tepër frikë shoferëve? Studimet tregojnë që parkimi paralel zë pa diskutim vendin e parë. E megjithatë nuk do ndonjë shkencë të madhe. Kushdo mund të futet në një vijë me vetura të parkuara paralel, nëse e di si bëhet. Dhe ne mund të ndihmojmë me këtë😉

Si bëhet parkimi paralel

Le të themi që keni gjetur një vend shumë të mirë parkimi, dhe distanca midis maskës të makinës përpara dhe asaj mbrapa është 1.2 deri në 1.5 herë më shumë se gjatësia e makinës suaj. Profesionistët mund t’ia dalin me më pak hapësirë, por ata nuk kanë nevojë për ndihmën tonë.

  1. Ndizni sinjalin e djathtë për t’u treguar shoferëve të tjerë se çfarë keni ndërmend të bëni, dhe ndaloni veturën anash veturës që ndodhet përpara vendit të lirë të parkimit, duke lënë një hapësirë rreth gjysmë metër deri në tre të katërtat e metrit. 
  2. Ecni mbrapsht me ngadalë. Pasi ulëset e pasme të veturës suaj të jenë në një vijë me veturën pas jush, rrotulloni timonin plotësisht në të djathtë. (Ç’lidhje kanë ulëset e pasme me parkimin? Pikërisht mbrapa tyre ndodhen rrotat e pasme, dhe këto na interesojnë. Ju nuk mund t’i shihni rrotat e pasme, por mund të shihni ulëset.)
  3. Ecni mbrapa derisa të shihni që gjysma e pjesës përpara të veturës të jetë mbrapa jush në pasqyrën e majtë. Drejtoni rrotat dhe ecni drejt mbrapa sipas nevojës derisa pasqyra e djathtë të kalojë (kur shihni nga ulësja e shoferit) cepin e majtë të pasmë të veturës që keni përpara. Më pas rrotulloni timonin majtas deri në fund. 
  4. Nëse vetura juaj nuk ka sensorë parkimi përpara dhe keni frikë se mos gërvishni cepin e djathtë përpara me cepin e pasmë mbrapa të veturës që ndodhet para jush, mos u bëni tepër krenarë por dilni që t’i hidhni një sy. Ka shumë mundësi që të keni shumë më tepër hapësirë nga sa dukej kur ishit në timon.
  5. Vazhdoni të ecni mbrapa me rrotat të kthyera majtas derisa vetura të jetë paralel me pjesën e trotuarit. Nëse nuk keni besim përllogaritjet tuaja, lëvizni pasqyrën e djathtë derisa të shihni rrotën e pasme djathtas. Më pas thjesht ecni pak përpara derisa të ndaloni afërsisht në mes të dy veturave. Kaq ishte!

Ndonjëherë nuk ka nevojë për shofer

Sot shumë vetura mund të parkohen vetë. Simboli në butonin e parkimit automatik ndryshon në bazë të modelit të veturës, por zakonisht është një kombinim i shrkonjës P dhe i një simboli të timonit ose kamerës.

Procesi i vënies në punë të sistemit të parkimit automatik është gjithnjë i njëjtë: 

  1. Shtypni butonin për të aktivizuar sistemin dhe ndizni sinjalin në anën që doni të parkoni (zakonisht në të djathtë).
  2. Ecni me ngadalë përgjatë rreshtit të veturave të parkuara derisa sistemi t’ju tregojë që ka gjetur një vend të përshtatshëm parkimi.
  3. Më pas thjesht shkelni pedalet dhe lëvizni siç tregohet në ekran; vetura do të rrotullojë vetë timonin. Në shumicën e veturave moderne nuk ka nevojë të merakoseni as për pedalet, gjithçka që duhet të bëni është të mbani shtypur butonin gjatë gjithë kohës.

 

Shumica e veturave moderne mund të parkohen dhe të dalin nga parkimi edhe nëse shoferi nuk ndodhet brenda kabinës. Foto: BMW

Praktika sigurisht që është gjëja më e mirë kur bëhet fjalë për parkimin. Gjeni një rrugë të qetë me parkim paralel dhe praktikohuni duke ndjekur udhëzimet tona. Do të shihni që pas disa provash, do të futeni midis veturave me siguri të plotë dhe në mënyrë të përsosur.

Sdílet článek:
Condividi l’articolo:
Zdieľať článok:

Podobné články Articoli simili: Podobné články: Artikuj të ngjashëm:

Për njerëzit që kërkojnë një veturë  premium me përmasa mesatare, Mercedes-Benz ofron GLC. Pas modelit GLK me linja katrore, format e rrumbullakëta ishin një ndryshim i madh, por sot…