Ndoshta po pyesni ç’lloj pyetje është kjo, nuk është e ndërlikuar të dish si të ulesh. Gabim, në fakt pak njerëz dinë të ulen siç duhet në timon! Pozicioni jo i mirë e kufizon pamjen pa qenë nevoja, e bën të vështirë kontrollimin e veturës dhe ju heq aftësinë për të reaguar saktë dhe shpejtë ndaj situatave të papritura. Dhe nuk është “thjesht” një çështje sigurie. Qëndrimi jo i mirë në timon përshpejton lodhjen dhe shkakton dhimbje shpine dhe dhimbje koke. Prandaj, si të uleni siç duhet?
- Shtyjeni sediljen mbrapa aq sa këmba e majtë të jetë ende pak e përthyer kur shkelni fraksionin deri në fund. Kur vetura është automatike, kjo vlen për pedalin e frenave.
☝️Pse është e rëndësishme: Nëse ju duhet të lëvizni përpara në sedilje kur shkelni pedalet, nuk do ta keni trupin shumë stabil, do të humbni aftësinë për të ndjerë reagimin e veturës dhe do të lodheni më shpejt. - Vendoseni mbështetësen në një pozicion ku nuk ju duhet që ta anoni kokën përpara.
☝️Pse është e rëndësishme: Të qëndrosh ulur me kokën të anuar ose të shtyrë përpara shkakton stres në muskujt e qafës dhe mund të shkaktojë migrenë. Çfarë mund të thuhet për qëndrimin ulur në kompjuter vlen edhe për qëndrimin ulur në timon. Këndi i mbështetëses së shpinës lidhet gjithashtu drejtpërdrejt me pikat 3 dhe 7. - Vendosni distancën midis timonit dhe kraharorit në mënyrë që kur duart të jenë në pozicionin “tre pa një çerek” (mendohet për akrepat e orës) mund ta rrotulloni timonin gjysmë rrotullimi në të djathtë pa lejuar që shpatulla e majtë të humbasë kontaktin me mbështetësen e shpinës. Sigurisht e njëjta gjë vlen edhe për anën e majtë.
☝️ Pse është e rëndësishme: Nëse i zgjatni tepër krahët, jeni të detyruar të ndryshoni kapjen e timonit kur merrni kthesat, të afroheni më shumë te timoni ose ta kapni timonin shumë fort. Si pasojë, vetura do të tundet në kthesa, do të anohet më shumë dhe do të humbasë më lehtë forcën tërheqëse mbi borë dhe akull. - Pozicion i ulët i sediljes është i shkëlqyer për të ndjerë reagimin e veturës, por është më i përshtatshëm për pistën e garave sesa për rrugën, ku duhet të shihni pranë pjesës përpara të bagazhit. Sigurohuni që ta ngrini sediljen aq sa ju nevojitet për të pasur pamje të mirë. Më pas rregulloni pozicionin gjatësor të sediljes ose lartësinë e timonit. Dhe më pas mos harroni që të rregulloni pasqyrat!
☝️ Pse është e rëndësishme: Do t’ju ndihmojë të shikoni më lart, do të keni pamje më të mirë të qarkullimit përreth dhe do të reagoni më shpejt ndaj situatave që mund të jenë të rrezikshme. - Pozicionojeni rripin e sigurimit që t’ju kalojë mbi sup, jo në qafë. Nëse vetura juaj nuk lejon rregullimin e lartësisë së rripit të sigurimit, duhet ta kompensoni duke rregulluar lartësinë e sediljes.
☝️ Pse është e rëndësishme: Sepse në të kundërt, mjeti shtrëngues i rripit mund t’ju mbytë në rast aksidenti. - Timoni duhet të vendoset aq lart saqë skaji i sipërm të mos mbulojë panelin e instrumenteve. Por gjithçka duhet me ekuilibër.
☝️ Pse është e rëndësishme: Nëse timoni vendoset tepër lart ose tepër poshtë, kjo shkakton stres të panevojshëm në shpatulla dhe në muskujt midis brinjëve. - Stabiliteti i trupit tuaj në kthesa duhet të bazohet te këmba juaj e mbështetur pas mbështetëses së këmbës dhe pjesë së sipërme të trupit të mbështetur te mbështetësja e shpinës. Krahët duhet t’i keni të relaksuar nga shpatullat deri te gishtat, të cilët mbajnë (por nuk e shtrëngojnë) timonin.
☝️ Pse është e rëndësishme: Kur këmba dhe shpatullat nuk kanë përkuljen e duhur, do t’ju duhet ta kompensoni këtë duke u mbajtur pas timonit, dhe lëvizja e gjoksit do të ketë rol te lëvizja e timonit. Rezultati është drejtimi i automjetit me ngecje, humbje e reagimit nga makina dhe ndjesia e animit të tepërt.
Veturat janë projektuar 95 % për burrat dhe 5 % për gratë. Gratë me trup të vogël dhe lojtarët e basketbollit janë të detyruar të bëjnë kompromise, por gjithë të tjerët mund t’i përdorin këto sugjerime për të gjetur një pozicion të rehatshëm e të sigurt në timon. Mund të duket paksa e çuditsme në fillim, por prisni dy javë. Do të shihni sa më të sigrt dhe sa më pak të lodhur do të ndiheni.😊
