A do ta besonit që një nga veturat më të famshme në Carvago është një version elektrik i veturës së vogël ikonike për qytet? Megjithatë, ka kuptim. Për banorët e qyteteve të mëdha, Smart ForTwo EQ është një mënyrë e shkëlqyer e udhëtimeve të përditshme me kosto minimale dhe pa u stresuar për të gjetur një vend parkim. Disavantazhi më i madh është se çmimi fillestarë është i lartë, veturat Smart elektrike të përdorura nga gjenerata më e fundit janë të disponueshme duke filluar nga rreth 8 000 EUR.
Në Carvago by Gjirafa mund të zgjedhni mes më shumë se 2500 vetura Smart ForTwo EQ. Sot do të shohim serinë 453, e prodhuar nga viti i kaluar, kur prodhuesi prezantoi një gjeneratë krejt të re me modele të zhvilluara falë një bashkëpunimi me Mercedes-Benz dhe Geely. Versioni elektrik i ForTwo 453 fillimisht doli me emrin e vjetër Electric Drive, por në vitin 2018 u riemërtua me emrin EQ. Duke filluar nga qershori 2019, Smart nuk është prodhuar me asnjë sistem tjetër përveçse me sistemin elektrik.
Smart ForTwo EQ i përdorur: Motorë, pajisje, besueshmëri
- Njëlloj si në rastin e versioneve me motor me djegie, Smart disponohej në dy variante: Coupé dhe Cabrio e famshme me çati që paloset.
- Nga fillimi deri në fund, modeli është prodhuar gjithnjë me të njëjtin motor. Një motor elektrik i montuar mbrapa me fuqi 60 kW (82 hp) u jep fuqi rrotave të pasme dhe ai vetë merr energji nga një bateri litiumi me kapacitet 17.6 kWh (16.7 prej të cilave janë të përdorshme).
- Bateria mbulohet nga një garancion 8-vjeçare, ose 100 000 km. Në kohën që kemi shkruar këtë, të gjitha veturat që disponohen aktualisht në Carvago vazhdojnë të jenë nën limitin e vjetërsisë dhe të kilometrave.
- Edhe pse është veturë e vogël për qytet, prodhuesi ka përdorur sistemin e ftohjes së baterisë me antifriz. Amortizimi i tepërt nuk ka qenë problem për këtë gjeneratë. Megjithatë mbani parasysh se me kalimin e kohës, kapaciteti bie vetë dhe distanca e përshkueshme me një karkim bie bashkë me të.
- Pas kalimit në standardin më të rreptë WLTP, distanca e përshkueshme e Smart u rendit në 133 km. Në praktikë, kjo i afrohej njëqind kilometrave në përdorim normal. Në një veturë të re. Në veturat më të vjetra që kanë bërë shumë kilometra, distanca e vërtetë mund të bjerë në diku 70–80 km.
- Smart ForTwo EQ përdor si standard karikimin njëfazor, por nëse jeni të gatshëm të paguani 990 euro ekstra, prodhuesi monton një karikues trefazor 22 kW. E kombinuar me një kuti elektrike përkatëse, bateria mund të karikohet plotësisht brenda 60 minutave. Ndërsa rreth 6 orë nga një prizë standarde.
- Është kënaqësi të udhëtosh në qytet me Smart dhe çuditërisht është mjaft e shkathët. Kjo nuk është vetëm falë reagimit të shpejtë të motorit elektrik, por dhe një raport i shkëlqyer fuqi-peshë – edhe versioni elektrik i veturës peshon pak më tepër se një ton.
- Gjatësia e vogël e rrotave prej 1873 mm nuk ju jap ndonjë ndjesi tejet të madhe rehatie në amortizim ose në stabilitetin pa dridhje në autostradë. Por kur arrini të futeni në një hapësirë të vogël ku shoferët e tjerë as që e ëndërrojnë dot të parkojnë, do ta anashkaloni me shumë kënaqësi këtë pikë të dobët (pa hatërmbetje).
- Aspekti kozmetik i veturave Smart të përdorura lë pak për të dëshiruar. Tapiceria me ngjyra të çelëta dhe plastika e fortë shpesh vënë në dukje vjetërsinë e veturës si mjet udhëtimi në qytet. Megjithatë, mekanikët e Carvago nuk hasin probleme më të rënda kur kontrollojnë veturat Smart ForTwo EQ të përdorura.
Kur zgjedhni Smart ForTwo EQ të ëndrrave tuaja në Carvago.com, ne dërgojmë një mekanik që t’i bëjë një inspektim CarAudit të detajuar dhe që t’ju dërgojë një raport të plotë lidhur me gjendjen e saj, si edhe fotografi. Nëse jeni të kënaqur me rezultatin dhe vendosni ta bleni veturën, ne i rregullojmë gjithçka, nga vetë blerja dhe transporti në vendin tuaj deri te regjistrimi në regjistrin lokal të automjeteve. Gjithçka që duhet të bëni është të prisni momentin kur ne ta parkojmë veturën para shtëpisë suaj.
