Teksa prodhuesit e veturave e ulën gradualisht gamën e veturave MPV të tyre, njerëzit që janë të interesuar në vetura të bollshme dhe praktike u janë drejtuar versioneve të veturave të lehta për “pasagjerë”. Për shkak se Volkswagen Multivan është më i kushtueshëm dhe që mund të jetë i përballueshëm vetëm për disa persona atëherë modeli VW Caddy është nje veturë më e vogël shumë e preferuar në këtë kategori.
Në Carvago by Gjirafa mund të zgjedhni mbi 4500 vetura Volkswagen Caddy. Për sot do të lëmë mënjanë gjeneratën më të fundit, e cila është një binjake e Ford Tourneo Connect. Në vend të kësaj do t’i hedhim një sy modelit të mëparshëm nga 2015–2020. Sot është mjaft e përballueshme, dhe mundësia e zgjedhjes mbetet relativisht e gjerë. Nëse i vendosni filtrat në Carvago që të përfshihen vetëm veturat me tre vende (për të eliminuar fugonët e mëdhenj), do t’ju mbeten përsëri rreth një mijë vetura mes të cilave mund të zgjedhni.
Volkswagen Caddy IV i përdorur: Motorë, pajisje, besueshmëri
- Gjërat zhvillohen mjaft më ngadalë në botën e veturave tregtare: gjenerata e tretë, Caddy (tipi 2K) është prodhuar nga viti 2003 deri në vitin 2020! Viti 2015 shënoi mbërritjen e modernizimit të madh dhe bashkë me të erdhi edhe emri disi pështjellues, Caddy IV. Ky është modeli për të cilin po flasim sot.
- Modernizimi solli edhe, ndër të tjera, motorë të rinj, duke përfshirë motorët me naftë që përmbushin standardin Euro 6 dhe që nuk janë të njollosur nga skandali Dieselgate. Këta punojnë më mirë, janë më ekonomikë dhe më të besueshëm.
- Nëse doni motor me benzinë, kërkoni 1.4 TSI. Motori i thjeshtë 1.2 është i besueshëm, por për sa i përket shpejtësisë, është më i përshtatshëm për udhëtime të shkurtra në qytet me pak udhëtarë.
- Për sa u përket kostove të operimit, një alternativë interesante mund të jetë motori 1.4 TGI me CNG. Mbani parasysh se e ardhmja juaj do të ketë disa shpenzime disi të pashmangshme që lidhen me mirëmbajtjen e sistemit të gazit.
- Gama përfshinë dy modele – modeli i thjeshtë dhe modeli gjysmë metër më i gjatë, Caddy Maxi, i cili mund të transportoj vërtet shumë gjëra brenda.
- Njëlloj si në shumicën e fugonëve, sediljet e pasme mund të hiqen. Megjithatë, mbani parasysh që është goxha punë, ndaj nuk është ideale për ta kthyer shpesh nga një veturë me pesë vende në një veturë me dy vende.
- Një nga arsyet për popullaritetin e madh të Caddy janë kontrollet e thjeshta dhe karakteristikat relativisht të mira në udhëtim. Suspensioni është përshtatur dukshëm për të mbajtur një familje të plotë së bashku me mjetet e pushimeve, ndaj kuptohet që është paksa i parehatshëm kur në veturë është vetëm shoferi. Aksi i fortë i pasmë sigurisht që është i qartë në këtë aspekt.
- Shumica e modeleve të reklamuara janë të pajisura në mënyrë relativisht modeste. Megjithatë, Volkswagen ka ofruar gjithashtu versione për stil të veçantë jetese, si Beach, Cross ose Alltrack, dhe një shumëllojshmëri opsionesh premium ekstra, si “cruise control” adaptiv. Po kështu, diçka e rrallë në klasin e saj ishte opsioni për të porositur një sistem 4Motion katër herë katër. Prandaj, ekzistojnë vetura Caddy me specifikime luksoze. Siç e thotë shprehja, “kërkoni dhe do të gjeni”.
- Megjithëse veturat Caddy më të pajisura kanë qenë të vlefshme për një veturë familjare, askush nuk e ble këtë lloj veture për ta mbajtur në garazh. Prisni të gjeni gërvishtje të shumta dhe dëmtime në hapësirën e brendshme; nuk ka si të jetë ndryshe.
- Kur kontrollojnë veturat Caddy IV të përdorura, përveç problemeve kozmetike të përmendura më sipër, mekanikët e Carvago gjejnë shpesh defekte në sistemin e ngrohjes. Mungesa e mirëmbajtjes mund të sjellë gjithashtu probleme me DSG në variantin me freksion (të cilin do ta gjeni në veturat me motorë më të dobët) dhe probleme me sistemin 4Motion katër herë katër. Volkswagen rekomandon që të bëhet ndërrim i vajit çdo 60 000 km. Pronarët e dytë (të tretë, të katërt…) shpesh e anashkalojnë këtë artikull të shtrenjtë nga lista e mirëmbajtjeve të zakonshme.
Kur zgjedhni Volkswagen Caddy të ëndrrave tuaja në Carvago.com, ne dërgojmë një mekanik që t’i bëjë një inspektim CarAudit të detajuar dhe që t’ju dërgojë një raport të plotë lidhur me gjendjen e saj, si edhe fotografi. Nëse jeni të kënaqur me rezultatin dhe vendosni ta bleni veturën, ne marrim masa për gjithçka, që nga vetë blerja dhe transporti në vendin tuaj deri te regjistrimi i veturës. Gjithçka që duhet të bëni është të prisni momentin kur ne ta parkojmë veturën para shtëpisë suaj.
