A doni një makinë familjare ekonomike, të cilën vetëm e mbushni me karburant dhe nuk ka pse të shqetësoheni për probleme? me Corolla, nuk gaboni asnjëherë. Makina më e shitur nga Toyota me sistemin hibrid në gjeneratën e saj tashmë të 12-të paraqitet si një makinë e besueshme pa asnjë pikë të dobët me rëndësi.
Në Carvago, mund të gjeni më shumë se 5000 makina Toyota Corolla. Përveç disa përjashtimeve, këto janë të gjeneratës aktuale të identifikuara me kodin E210. Versioni portobagazh me emrin Touring Sports përbën disi një shumicë të ofertës, ndërsa pjesa tjetër ndahet mes varianteve hatchback me 5 dyer dhe limuzinës klasike me 4 dyer.
Por, pse kemi përmendur Suziku këtu? Arsyeja është se modeli Swace ëshë thjesht një makinë Toyota Corolla Touring Sports me një emër tjetër, që ofrohet vetëm motorin hibrid 1.8.
Toyota Corolla E210 / Suzuki Swace të përdorura: Motorë, pajisje, besueshmëri
- Toyota Corolla përdor të njëjtën bazë teknike si modelet e prezantuara këtu, Toyota C-HR dhe Toyota Prius. Shumë nga gjërat që kemi shkruar tashmë në të kaluarën vlejnë edhe në këtë rast. Për sa u përket motorëve, ne rekomandojmë në veçanti variantin Hybrid 1.8, me disa rezerva, 2.0 (vetëm për hatchback dhe portobagazhin). Motori 1200ccm (nuk ofrohet më) nuk performon mirë në trafikun e qytetit, madje as motori 1.5 Dynamic Force (vetëm limuzinë) nuk ka ndonjë arsye që preferohet më shumë sesa versioni i hibrid i besueshëm dhe ekonomik.
- Varianti limuzinë për Evropën prodhohet në Turqi, dy variantet e tjera të trupit prodhohen në Britani. Modeli hatchback me bazën më të shkurtër të rrotave është më i përshtatshëm për rolin e një makine qyteti, ndërsa limuzina, ose e thënë më mirë portobagazhi, plotëson nevojat e një makine familjare.
- Varianti më i fuqishëm 2.0 Hybrid (132, nga 2023 me 144 kW) plotëson kërkesat e shoferëve që duan më shumë dinamikë, megjithatë pronarët mund të përballen me defektet e shkaktuara nga humbja e antifrizit si pasojë e zgjidhjeve të papërshtatshme teknike në sistemin e pastrimit të tymrave.
- Nga ana tjetër, varianti 1.8 Hybrid nuk paraqet asnjë problem tjetër veçse një bateri 12V të shkarkuar, dhe pas rritjes së fuqisë nga 90 në 103 kW në vitin e kaluar dhe pasi u vendos një bateri tërheqëse më e madhe, makina bëhet edhe më e shkathët se më parë.
- Është interesante se deri në modernizimin e vitit të kaluar, limuzina kishte një bateri tërheqëse mjaft më të madhe sesa variantet e tjera (1.3 kundrejt 0.75 kWh). Me përditësimin, bateria në të dyja njësitë, 1.8 Hybrid si edhe 2.0 Hybrid, u rritën duke u bërë të njëjta, pra 2.45 kWh.
- Sigurisht, te makinat që kanë bërë shumë kilometra (zakonisht taksitë), bateria tërheqëse zakonisht ka kapacitet më të ulët, ndaj kjo makinë e përdor motorin me djegie më shpesh dhe ka konsum më të lartë, megjithatë sistemi hibrid vazhdon të punojë.
- Limuzina është ndërtuar si modeli më i rehatshëm dhe më konservator. Dy versionet e tjera janë më të shkathëta në kthesa, dhe sidomos varianti hatchback me bazën më të shkurtër të rrotave jep përshtypjen e një makine sportive.
- Sistemi hibrid ndihet pothuajse si në shtëpinë e vet kur ndodhet në trafikun e qytetit, ku mund të jetë shumë ekonomik, dhe falë kombinimit të mirë me djegien e karburantit e ndot mjedisin më pak sesa motorët e zakonshëm me djegie.
- Corolla nuk mund të konkurrojë me disa gjëra, për shembull me izolimin e zhurmës në shpejtësi autostrade dhe me ndërfaqen e kroskotit, sidimos në makinat para përditësimti të vitit të kaluarKëtu Toyota ka mangësi të konsiderueshme në raport me konkurrencën.
- Makinat më të dëshiruara janë ato të versionit GR Sport me paketën e jashtme sportive dhe me sedilje anatomike të projektuara me saktësi.
- Përveç problemeve të përmendura më sipër, Corolla nuk njihet për ndonjë problem të zakonshëm mekanik, apo për ndonjë problem apo defekt elektronik të shkaktuar nga prodhimi i keq. Gjatë kontrolleve teknike, mekanikët në Carvago vërejnë goditje nga stabilizatori përpara, megjithatë ky është një defekt i shpeshtë, i cili herët a vonë do të ndodhë në shumicën e makinave që kanë bërë shumë kilometra.
Kur zgjidhni makinën Toyota Corolla të ëndrrave tuaja te ne në Carvago.com, ne do të dërgojmë një mekanik për të bërë një kontroll të detajuar CarAudit dhe do t’ju dërgojmë një protokoll të detajuar në lidhje me gjendjen e saj, si edhe fotografi. Nëse jeni të kënaqur me rezultatin dhe vendosni ta blini makinën, ne marrim masa për gjithçka, që nga vetë blerja dhe transporti në vendin tuaj deri te regjistrimi në regjistrin lokal të automjeteve. Gjithçka që duhet të bëni është të prisni momentin kur ne ta parkojmë makinën para shtëpisë suaj.
