Nëse përsëri preferoni veturat e segmentit D klasike pavarësisht epokës së SUV, poashtu nuk doni të vini vërdallë me një Passat si gjysma e Evropës, kemi një këshillë origjinale për ju: veturë elegante franceze, Renault Talisman. Është shumë e këndshme në pamje, ofron mjaft luks dhe është shumë më e besueshme nga ç’mund ta mendoni.
Talisman ka qenë në tregun evropian për vetëm shtatë vjet dhe është bërë shumë e famshme. Pavarësisht kësaj, në Carvago mund të zgjedhni në mesin e 700 veturave Renault Talisman, me pak kilometra, me motorë të fuqishëm dhe me shume pajisje. Veturat Grandtour karavan janë më të shumta në numër me një raport afërsisht 2:1. Variantet me naftë ose benzinë janë pak a shumë të barabarta në numër, dhe shumica e veturave që ofrohen janë automatike. Kilometrat mesatare në kohën që është shkruar ky artikull janë rreth 60.000 km dhe çmimi mesatar rreth €22.000.
Renault Talisman i përdorur: Motorë, pajisje, besueshmëri
- Talisman është ndërtuar mbi të njëjtën platformë si vetura Espace me kapacitet të lartë të asaj kohe. Vetëm kjo tregon se është ndër veturat më të mëdha në kategorinë e madhësive mesatare (D-segment). Ia kalon veturës Passat për sa i përket gjatësisë së trupit, bazës së rrotave dhe gjerësisë, duke u dhënë pasagjerëve hapësirë të bollshme.
- Edhe pse modeli me katër dyer është një sallon i vërtetë, me një ndarje midis kabinës dhe bagazhit (e cila është një plus për sa i përket fortësisë dhe izolimit të zhurmës), sediljet e pasme palosen. Kjo do të thotë që nuk je i detyruar të zgjedhësh variantin karavan për të transportuar mobilie.
- Kur Talisman u fut fillimisht në treg, ajo që ra në sy dhe që tani është bërë mjaft e përhapur – ishte sistemi on-board i pajisur me një ekran të kthyer vertikalisht. Diçka tjetër mjaft e pazakontë në atë kohë ishte të shihje ndryshimin e modalitetit të drejtimit, ku një ndryshim i modalitetit ndryshon jo vetëm kohën e reagimit të motorit dhe të transmisionit, por edhe ndriçimin e hapësirës së brendshme dhe grafikën e instrumenteve.
- Modelet që kanë pajisjet më të fundit bëjnë që udhëtimi të jetë shumë i qetë. Kjo ndodh falë xhamave anësorë të laminuar dhe të sistemit noise cancelation.
- Një arsye tjetër pse duhet kërkuar një model i pajisur mirë, idealisht varianti i suksesshëm Initiale Paris, janë sediljet e mrekullueshme “të kapitenit” jashtëzakonisht të rehatshme, me lëkurë napa të përkryer dhe një funksion masazhi në sediljen e shoferit.
- Do të bënim gabim të mos përmendnim përfshirjen e specialitetit të Renault, 4Control, i cili bën të mundur drejtimin e katër rrotave. Kjo bën që serbatori i karburantit të jetë më i vogël (aksi i rrotave të pasme zë shumë vend), por drejtimi bëhet më i mprehtë dhe kthesat mund të merren më ngushtë në shpejtësi të ulët, dhe stabiliteti në kthesat e shpejta e të gjata është më i madh, ku rrotat e pasme kthehen pak jo në drejtim të kundërt, por në të njëjtin drejtim me rrotat përpara. Sistemi 4Control vjen së bashku me amortizatorë adaptivë.
- Gjatë viteve, Talisman është pajisur me motorë të ndryshëm – por çuditërisht, asnjë prej tyre nuk ka qenë problematik nga ana mekanike. Ne do të rekomandonim dCi 160, një variant twin-turbo i motorit 1.6 me naftë me 118 kW / 160 hp, ose motorin e fortë e të fuqishëm (147 kW / 200 hp) dylitërsh dCi 200.
- Po kaq të besueshëm janë edhe kambiot EDC me dy freksione, me kusht që të mos neglizhoni ndërrimin e vajit çdo 90.000 km.
- Është për të ardhur keq që Talisman e ka prishur reputacionin e tij për shkak të problemeve në ndërtimin e jashtëm. Që kur doli nga fabrika, disa pjesë të trupit nuk ishin të pozicionuara mirë dhe në kontrollet që Carvago u ka bërë modeleve të përdorura, shpesh janë gjetur zhurma të ndryshme të pakëndshme.
- Gjatë prodhimit, modelit i janë bërë dy modernizime të vogla. Viti 2018 shënoji herën e parë që Talisman mori motorë më të mëdhenj se 1.6 l, drita LED kundër mjegullës dhe një numër pjesësh plastike të buta në hapësirën e brendshme. Më pas, një përmirësim thuajse i padukshëm në vitin 2020 solli sisteme të modernizuara të asistencës për shoferin, drita Matrix LED dhe një antenë si pendë peshkaqeni.
Kur zgjedhni Renault Talisman të ëndrrave tuaja në Carvago.com, ne dërgojmë një mekanik që t’i bëjë një inspektim CarAudit të detajuar dhe që t’ju dërgojë një raport të plotë lidhur me gjendjen e saj, si edhe fotografi. Nëse jeni të kënaqur me rezultatin dhe vendosni ta bleni veturën, ne rregullojm gjithçka, që nga vetë blerja dhe transporti në vendin tuaj deri te regjistrimi i veturës me RKS. Gjithçka që duhet të bëni është të prisni momentin kur ne ta parkojmë veturën para shtëpisë suaj.
