Një zgjedhje nga seria: Porsche 911 (992)

Pavarësisht nëse doni të shpërbleni veten për suksesin e kompanisë suaj, keni fituar lotarinë apo thjesht doni të realizoni ëndrrën e fëmijërisë suaj, Porsche 911 duhet të zërë një nga vendet e para në listën tuaj të dëshirave. Makina sportive legjendare me motorin “në anën e kundërt” është një ikonë e pakundërshtueshme e makinave, një instrument fantastik udhëtimi, e megjithatë vazhdon të jetë një makinë që mund ta përdorni çdo ditë pa shumë probleme.

Në Carvago mund të gjeni aktualisht më shumë se 4000 makina Porsche 911. Më shumë se tre në çdo katër i përkasin gjeneratës 992 aktuale, të prodhuar nga viti 2019. Makinat kabriolet përbëjnë rreth një të tretën e numrit dhe makinat katër herë katër zënë rreth 50 përqind. Meqë ra fjala, a e dinit që Porsche e ka ofruar 911 me një sistem katër herë katër që në vitin 1988? Kjo ishte diçka mjaft e veçantë në atë kohë për makinat sportive.

Porsche 992 të përdorura: Motorë, pajisje, besueshmëri

• Edhe pse është krejt e qartë, është mirë të jemi të sigurt: Edhe si makinë e përdorur, 911 nuk është makina për ëndërrimtarët që kanë vështirësi të kursejnë por u duhet të marrin ende para borxh te gjyshja. Qoftë kostot e blerjes, qoftë kostot e përdorimit janë të larta.
• Megjithëse pronarët e shohin 911 kryesisht si një simbol suksesi, eksperienca magjepsëse e drejtimit është e futur thellë në ADN-në e saj, dhe performanca në rrugë edhe e versioneve “standarde” është vërtet fenomenale. Si në pistën e garave, ashtu edhe në rrugët e ngushta me erë të fortë dhe me sipërfaqe jo të mirë.
• Me përjashtim të versioneve më sportive dhe edicioneve speciale, të gjitha modelet, duke përfshirë 650 hp 911 Turbo S janë të disponueshme si kabriolet. A mund ta imagjinoni ndjesinë e ecjes nga zero në njëqind kilometra në orë brenda 2,8 sekondash me erën që ju valëvit flokët?
• Një variant specifik i makinës kabriolet është modeli Targa me çati xhami që paloset. Gjenerata 992 e ofron vetëm në formën e Targa 4 dhe Targa 4S, që do të thotë se është gjithnjë e pajisur me sistem katër herë katër.
• Kur zgjidhni versionin tuaj, tregohuni të sinqertë me veten dhe merrni vendimin në bazë të mënyrës se si do ta përdorni makinën. Shëtitjet të dielave për një akullore do të jenë sigurisht më të këndshme me Targa sesa me GT3 RS të pakompromentueshëm. Nga ana tjetër, një makinë katër herë katër, pavarësisht sa e rafinuar është, nuk do të jetë asnjëherë aq e zonja në pistën e garave sa një model me rrotat e pasme aktive.
• Shumë veta shohin modelin bazë Carrera, por fuqia e saj prej 283 kW (385 hp), përshpejtim deri në 100 km/h në 4,2 sekonda dhe një shpejtësi maksimale prej 293 km/h e bëjnë më se të mjaftueshme për përdorim në botën reale.
• Transmisioni manual (7-marshe, meqë ra fjala) është diçka e rrallë, megjithatë transmisioni automatik PD me dy freksione punon perfekt dhe plotëson edhe kërkesat më të rrepta të shoferëve me eksperiencë në pistën e garave.
• Porsche ka lejuar gjithnjë që të bëhet personalizim deri në njëfarë mase. Këtu përfshihen edhe gjërat ekstravagante, si për shembull grilat e kondicionerit të mbuluara me lëkurë! Vetëm pak veta do të paguanin ekstra për këtë veçori, por në përgjithësi, qoftë pajisjet funksionale, qoftë ato estetike të makinave 911 të përdorura janë mjaft të shumëllojshme. Paketa Sport Chrono zakonisht konsiderohet diçka që duhet pasur “me patjetër”, sepse pakëson kohën e përshpejtimit nga 0–100 km/h deri në 0,2 s dhe ofron sedilje sportive përshtatëse dhe një marmitë sportive.
• Nëse nuk jeni plotësisht të sigurt pse ju duhen, rekomandojmë t’i rezistoni tundimit për të marrë frena me kompozit karbon-qeramik. (Mund t’i dalloni nga kalibrat e lyer me ngjyrë të verdhë). Ato janë në gjendje të përballojnë shumë më tepër, megjithatë kur pas një kohe të gjatë të konsumohen, ndërrimi i tyre do t’ju kushtojë pothuajse sa një makinë e re me përmasa mesatare.
• Prodhuesit me reputacion të mirë të gomave ofrojnë goma speciale për modelin 911 të shënuara me numrin NA + (më parë numri N +). Këto janë homologuar në mënyrë specifike për këtë model me shpërndarjen specifike të peshës. Prania e gomave standarde me të njëjtën kategori performance nuk është katastrofë në vetvete, por mund të jetë shenjë e tentativave për të kursyer te mirëmbajtja dhe pjesët e këmbimit edhe në vende që janë më pak të dukshme.
• Një mënyrë jo e gabuar për të pakësuar kostot mudn të jetë përdorimi i shërbimeve nga një servis i pavarur me reputacion të mirë në vend se një servis i autorizuar makinash. Megjithatë, shikoni vetëm ato që janë të specializuara posaçërisht për Porsche dhe që kanë ndërtuar një komunitet me klientë të kënaqur e që vazhdojnë të rikthehen.
• Nëse mirëmbajtja është bërë siç duhet, gjenerata 992 është mjaft e besueshme në aspektin mekanik. Kur ndodhin probleme, ato shkaktohen më shpesh nga sistemet e kufizimit të emetimeve – njëlloj siç ndodh në makinat e tjera moderne. Keqpërdorimi për kohë të gjata e shkarkon baterinë, por kjo mund të tregojë një lumë me mesazhe të ndryshme gabimesh. Vibrimi i çrregullt i motorit tregon defekt në blloqet e heshtjes aktive, e cila nga ana tjetër tregon se pjesët elektronike të kontrollit kanë pësuar dëmtime për shkak të lagështisë, por në praktikë, teknikët e Carvago i hasin këto probleme në mënyrë sporadike. Nga ana tjetër, zhurmat e ndryshme dhe dridhjet në hapësirën e brendshme janë relativisht të shpeshta.
• Në fund të pranverës, Porsche njoftoi për një përditësim të serisë 992, duke përfshirë një sistem hibrid të ri për modelin Carrera GTS. Ndryshime të tjera: transmisionet manuale do të ndërpriten, sediljet e pasme do të përfshihen vetëm me kërkesë (megjithëse pa kosto ekstra) dhe çelësi rrotullues ikonik i ndezjes në formën e një çelësi në të majtë poshtë timonit do të ndërrohet me një buton të zakonshëm.

Kur zgjidhni Porsche 911 të ëndrrave tuaja në Carvago.com, ne dërgojmë një mekanik që t’i bëjë një inspektim CarAudit të detajuar dhe që t’ju dërgojë një raport të plotë lidhur me gjendjen e saj, si edhe fotografi. Nëse jeni të kënaqur me rezultatin dhe vendosni ta blini makinën, ne marrim masa për gjithçka, që nga vetë blerja dhe transporti në vendin tuaj deri te regjistrimi në regjistrin lokal të automjeteve. Gjithçka që duhet të bëni është të prisni momentin kur ne ta parkojmë makinën para shtëpisë suaj.