Veturë malore kompakte Tucson është çelësi për markën Hyundai – qoftë në botë qoftë në Evropë në mënyrë specifike. Ka qenë shumë herë modeli më i shitur i kësaj marke në kontinentin e vjetër. E njëjta gjë vlen për revolucionin në dizajn që ka ardhur me gjeneratën e katërt (NX4) në vitin 2020. Edhe ajo ka qenë një sukses shumë i madh, duke zgjeruar mjaft mundësinë për të zgjedhur vetura Tucson të përdorura.
Aktualisht në Carvago mund të zgjedhni mes 7000 veturave Hyundai Tucson, nga të cilat më shumë se 5000 janë të gjeneratës më të fundit. Modelet me naftë përbëjnë më pak se një të pestën, ndërsa hibridet janë shumë të shpeshta. Sistemi 4X4 mund të gjendet në pothuajse gjysmën e modeleve të reklamuara.
Hyundai Tucson NX4 të përdorura: Motorë, pajisje, besueshmëri
- Njëlloj si më parë, Tucson është vërtet një model botëror. Prodhohet në shtatë shtete të botës, duke përfshirë Republikën Çeke, e cila prodhon vetura për tregun evropian. Vetura ka marrë emrin nga një qytet në Arizonë, dhe shqiptohet “tuson”.
- Në udhëtim, Tucson nuk të lë ndonjë përshtypje të thellë me drejtimin e saktë ose me shkathtësinë në kthesa, por personat brenda do të kënaqen me amortizimin e rehatshëm dhe me hapësirën e bollshme. Sidomos për sa i përket gjerësisë, Tucson duket sikur duhej të ishte vlerësuar një kategori më lart.
- Hapësira e brendshme nuk është aq ecentrike sa ajo e jashtme, megjithatë kjo është diçka e mirë. Kontrollorët janë vendosur dhe shënuar në mënyrë intuitive, dhe as pamja përpara as pasqyrat nuk përbëjnë ndonjë problem.
- Kondicionieri është në gjendje të fryjë edhe me nivel fuqie të padurueshëm, pothuajse në nivel amerikan, megjithëse ka edhe modalitetin e qetë dhe të shpërndarë.
- Fatkeqësisht duhet t’i harroni variantet me naftë në veturat Tucson më të fundit. Varianti 1.6 CRDi është i prirur ndaj defekteve të rënda mekanike.
- Thelbi i të gjitha varianteve të tjera është motori me benzinë 1.6 T-GDI Smartstream. Më e keqja që do të hasni janë rrjedhjet e vajit në sistemin e fazës e valvulave me variacion ose një defekt në EGR, megjithatë defektet e rënda dhe të kushtueshme pothuajse nuk ekzistojnë. Motori është i disponueshëm në version pa elektrifikim, si edhe në version hibrid të lehtë, të plotë ose plug-in.
- Ka mundësi që më i miri prej tyre është varianti hibrid i plotë. Me fuqinë totale prej 169 kW, është i shkëlqyer në parakalime dhe punon me mjaft efikasitet kudo përveçse në autostradë. Varianti plug-in ia vlen vërtet nëse mund ta karikoni në shtëpi dhe i bëni udhëtimet e përditshme kryesisht me energji elektrike.
- Edhe pse disa prodhues të makinave hibride vënë në përdorim sistemin 4×4 duke lidhur një motor elektrik mbrapa, Tucson përdor një sistem me bosht kardan dhe një freksion inter-aks edhe në variantet hibride. Megjithëse kjo formë nënkupton konsum pak më të lartë, ajo i jep mundësi sistemit katër herë katër që të shkëlqejë në më shumë situata nga sesa varianti 4×4 me motor elektrik ndihmës.
- Hyundai e shet Tucson në konfigurime fikse, megjithatë ato ndryshojnë sipas shtetit dhe kohës. Prandaj, gama evropiane është e shumëllojshme, duke filliuar nga veturat shumë spartane deri tek ato që janë të mbushura me luks. Nuk është për t’u habitur që sa më i avancuar të jetë motori, aq më të mira janë pajisjet.
- Dizajni pompoz i pjesës përpara të vetures nuk është medoemos praktik. Ato që duken si fenerë të integruar në grillin e radiatorit janë në fakt vetëm DRL. Dritat kryesore ndodhen në fund, anash parakolpit, ku janë plotësisht të pambrojtura nga papastërtitë, dhe u mungon një sistem pastrimi. Ato mund të jenë shumë të mira në Arizonë ose pranë Napolit, por jo dhe aq në lloqin e dimrit të Evropës qendrore dhe veriore.
- Kur bëni zgjedhjen tuaj, ju rekomandojmë të përqendroheni te gjendja vizuale. Tapiceria e kabinës dhe e hapësirës së bagazhit mund të duket e konsumuar edhe në veturat relativisht të reja që kanë bërë pak kilometra.
- Përveç problemeve të përmendura më sipër, në inspektimet që Carvago u ka bërë veturave Tucson NX4 të përdorura nuk janë gjetur probleme të mëdha. Në raste shumë të rralla, disa variante hibride plug-in kanë probleme me karikuesin e brendshëm ose kanë dëmtime që janë shkaktuar nga uji ose nga sabotatorët e tjerë të bezdisshëm. Në përgjithësi do ta quanim Tucson një veturë të besueshme.
Kur zgjedhni Hyundai Tucson të ëndrrave tuaja në Carvago.com, ne dërgojmë një mekanik që t’i bëjë një inspektim CarAudit të detajuar dhe që t’ju dërgojë një raport të plotë lidhur me gjendjen e saj, si edhe fotografi. Nëse jeni të kënaqur me rezultatin dhe vendosni ta bleni veturën, ne marrim masa për gjithçka, që nga vetë blerja dhe transporti në vendin tuaj deri te regjistrimi i veturës. Gjithçka që duhet të bëni është të prisni momentin kur ne ta parkojmë veturën para shtëpisë suaj.
