Gjenerata e gjashtë e Serisë 3 të BMW ka një avantazh të madh krahasuar me të gjitha gjeneratat e mëparshme. Hapësira në veturë është rritur ndjeshëm, e cila ka eliminuar problemin e vjetër se kur shoferi i taksisë ishte i gjatë, në sediljet e pasme mund të uleshin vetëm fëmijët. BMW F30 është plotësisht e përshtatshme si një veturë familjare pa asnjë kompromis, sidomos në variantin me portobagazh Touring. Seria u prezantua si variant sallon (F30) dhe si portobagazh (F31) në vitin 2011, dhe u prodhua deri në vitin 2019. Një variant me trup të ri u shtua në vitin 2013 në formën e Gran Turismo (F34), e cila është një zgjedhje mjaft intriguese si veturë e përdorur falë gjatësisë midis rrotave dhe një trupi me dizajn më të rafinuar. Variantet e zakonshme kabriolet dhe coupé u kaluan te Seria 4 e sapokrijuar. Një specialitet i serisë është një derivat sportiv tradicional, M3 (F80). Shtesat e reja teknike përfshinin praninë e DPF në të gjithë motorët me naftë pa përjashtim, si edhe faktin se të gjithë motorët (katër cilindra, gjashtë cilindra, dhe pas përmirësimit edhe variantet me tre cilindra) janë gjithnjë të pajisur me turbo.
Aktualisht Carvago ofron 13.000 vetura BMW Seria 3. Gama e modeleve me çmime tërheqëse nga gjenerata F30 arrin një numër prej thuajse 1.500 veturave. Përveç çmimeve relativisht të favorshme krahasuar me modelet jopremium të markave konkurrente, një pikë tjetër me interes është disponueshmëria relativisht e bollshme e makinave me transmision manual, si me motor të thjeshtë ashtu edhe me motor të fuqishëm me gjashtë cilindra. Situata bëhet më e ndërlikuar në gjeneratën e radhës për shoferët e entuziastë, pasi transmisionet automatike janë ato që mbizotërojnë tregun.
Një veturë BMW Seria 3 nga gjenerata F30 mund të jetë një zgjedhje shumë e mirë kundrejt një çmimi të mirë, por mund të jetë edhe një makth – e thënë troç, e gjithë gjenerata F30 nuk ka reputacion shumë të mirë si veturë e përdorur. Dhe pjesërisht kjo është e vërtetë. Prandaj është shumë e rëndësishme të dini se cilin motor të zgjidhni. Megjithatë, besueshmëria e dyshimtë e të gjithë gamës së motorëve në F30, sidomos në versionet para përmirësimit, krijon mundësi për të blerë një veturë të shkëlqyer me çmim të mirë, për sa kohë di se çfarë po kërkon.
BMW 3 F30 e përdorur: Motorë, pajisje, besueshmëri
- Avantazhi kryesor i F30 është rritja e hapësirës gjeneratë pas gjenerate duke ruajtur ndërkohë ergonomikën e cilësisë së lartë dhe aftësitë për t’i bërë rregullime timonit dhe sediljeve me përmasa mjaft të rehatshme. Hapësira e brendshme e projektuar bukur do t’ju bëjë të ndiheni shkëlqyer, madje edhe sistemi iDrive është ekzemplar edhe sot e kësaj dite.
- E thënë thjesht, për sa i përket qoftë hapësirës së brendshme qoftë teknologjisë, është më mirë të shihni makinat pas përmirësimit (2015 e më vonë), edhe nëse janë pak më të shtrenjta.
- Motorët N47 me naftë me katër cilindra janë të famshëm për problemet me sistemin e fazës. Mund të prishen pa asnjë paralajmërim ose pa bërë asnjë zhurmë të çuditshme. Për të mos mjaftuar me kaq, sistemi është i vendosur mbrapa motorit (drejt kabinës) dhe ndërrimi i tij kërkon shumë punë dhe kohë. Për makinat para se të bëhej përmirësimi, rekomandohet të bëhet ndërrimi parandalues pas 100.000 km. Prodhuesi nxori mësim te varianti i mëvonshëm B47 me katër cilindra (nga viti 2014) dhe si rrjedhojë motori konsiderohet mjaft më i besueshëm.
- Motorët N57 me gjashtë cilindra janë motorë fantastikë, me dinamikë të përkryer dhe me konsum karburanti shumë të pranueshme. Zinxhiri i fazës është mjaft më i fortë sesa te motorët me katër cilindra, por edhe këtu rekomandohet që zinxhiri të ndërrohet pas 200.000 km thjesht për të qenë i sigurt.
- Fatkeqësisht, motorët N20 me benzinë me katër cilindra vuajnë nga problemet me fazën dhe kanë probleme me testatat. Është mirë t’i shmangni këta motorë. Duke filluar nga korriku 2015, ata janë zëvendësuar nga motorët B48 (motorë modularë me katër cilindra dhe me tre cilindra), të cilët mund t’i rekomandojmë sepse janë të besueshëm.
- Nëse doni një BMW Seria 3 me motor të vogël me benzinë, zgjedhja më e mirë është sigurisht varianti B48 me tre cilindra. Edhe pse nuk bën atë zhurmën e veçantë dhe nuk ka shumë fuqi, këto janë të vetmet disavantazhe që ka. Motorët 1.6 l N13 me emërtimin e veçantë Prince në modelet 316i dhe 320i EfficientDynamics nuk janë asgjë tjetër veçse një motor nga fabrikat e PSA, të cilët janë të famshëm për grumbullimin e karbonit.
- Para se të bleni një BMW F30 të përdorur, është mirë të shihni me kujdes historinë e servisimeve dhe të kontrolloni nëse i janë ndërruar tashmë disqet e frenave dhe motorinoja. Disqet e frenave dhe motorinot origjinale në shumicën e motorëve kanë çuditërisht jetëgjatësi të shkurtër. Mekanikët tanë përqendrohen gjithashtu te zhurmat rrahëse gjatë ndezjes, gjë që tregon konsum të volantit me dopio-masë. Ata mund të shohin nëse ka dridhje në timon – dhe nëse ka, nuk e blejmë automjetin, pasi riparimet janë shumë të shtrenjta.
- Mekanikët e Carvago shohin gjithashtu me kujdes gjendjen e gomave. Te makinat që kanë sistemin xDrive me të gjitha rrotat aktive, konsumi jo i njëtrajtshëm i gomave në secilin aks mund të krijojë strese të tepërta në të gjithë komponentët e sistemit me të gjitha rrotat aktive. Ata shohin gjithashtu intervalet e rigjenerimit të DPF-së, pasi trafiku i qytetit dhe udhëtimet me distanca të shkurtra mund të shkaktojnë bllokim të filtrit, siç ndodh me shumicën e makinave.
- Në përgjithësi, vetë transmisionet nuk vuajnë nga problemet e rënda. Transmisionet manuale punojnë pak ashpër kur ndërrohen marshet dhe mund të bëhen pak më të fortë kur bëni zbritje marshi. Ndërrimi i vajit ndihmon shumë në këtë aspekt. Gjithashtu, mos u besoni përrallave se “vaji i kambios nuk duhet ndërruar” në kambiot automatike; ndërrojeni vajin nëse te historia e shërbimeve tregohet se nuk është bërë ende.
- Njëlloj si me të gjithë seritë “e ulëta” të BMW, kushtojuni vëmendje pajisjeve që ka makina. Sistemi modular i pajisjeve premium ndonjëherë nënkupton që edhe një makine shumë të pajisur mund t’i mungojnë disa nga pajisjet bazë të cilat pret që makina t’i ketë me patjetër.
Kur zgjidhni BMW Seria 3 të ëndrrave tuaja në Carvago.com, ne dërgojmë një mekanik që t’i bëjë një inspektim CarAudit të detajuar dhe që t’ju dërgojë një raport të plotë lidhur me gjendjen e saj, si edhe fotografi. Nëse jeni të kënaqur me rezultatin dhe vendosni ta bleni veturën, ne marrim përsiper gjithçka, që nga vetë blerja dhe transporti në vendin tuaj deri te regjistrimi në regjistrin lokal të automjeteve. Gjithçka që duhet të bëni është të prisni momentin kur ne ta parkojmë veturën para shtëpisë suaj.
