Cilësi premium në trupin e një veture hatchback kompakte – A3 e ka fillesën e saj tek ideja se edhe mes atyre që janë të interesuar të kenë një veturë të vogël, ka shumë veta që janë të gatshëm të paguajnë për një produkt luksoz. Fakti që kjo mënyrë të menduari është e saktë konfirmohet nga fakti se e njëjta rrugë u ndoq më vonë nga BMW dhe Mercedes.
Që prej vitit 2020, Audi kompakt ka qenë i disponueshëm në gjeneratën e tij të katërt (tipi 8Y). Ajo përdor të njëjtën platformë MQB Evo si VW Golf, Seat Leon dhe Škoda Octavia. Megjithatë, kjo nuk e bën që të jetë e njëjta veturë. Falë një numri ndryshimesh të vogla teknike në projektimin e trupit, shasisë dhe izolimit akustik, është mjaft më e qetë se modelet tjera. Ndryshimi është më i theksuar te variantet me naftë. Dhe nuk po përmendim cilësinë e hapësirës së brendshme.
Në Carvago.com mund të zgjedhni nga më shumë se 10.000 vetura Audi A3. Tre të katërtat e tyre i përkasin gjeneratës së fundit. Këtyre mund t’u shtojmë rreth dy mijë variante sportive, S3 dhe RS3.
Audi A3 8Y të përdorura: Motorë, pajisje, besueshmëri
- Përveç variantit hatchback me 5 dyer (Sportback), prodhohet gjithashtu si një limuzinë tri-kuti me trup më të fortë me të gjitha avantazhet që e shoqërojnë. Fatkeqësisht është mjaft e vështirë t’i filtrosh veturat limuzinë te reklamat, pasi fjala sallon (Limuzinë) shpesh aplikohet edhe për veturat hatchback, sidomos në Gjermani.
- Veturat hatchback ose kabriolet me tri dyer janë hequr në këtë gjeneratë.
- Variantet me benzinë dominojnë mbi ato me naftë me një raport 4:1, dhe më shumë se gjysma e veturave të disponueshme kanë transmision automatik. Megjithatë, sistemi quattro me katër rrotat aktive është diçka e rrallë në versionet e zakonshme, pasi ka më tepër gjasa të gjendet në S3 dhe RS3.
- Pamja e gjeneratës së re është frymëzuar nga pamja poligonike e veturave Lamborghini, të cilat Audi i ka nën komandën e vet brenda hierarkisë së VW Group. Kjo është sidomos e dukshme në hapësirën e brendshme.
- Avantazhet e paketës me pajisjet më të mira janë në fakt teorike. Shumica e këtyre veturave në treg ofrojnë vetëm standardin e zakonshëm, dhe kjo është arsyeja pse rekomandojmë t’i kushtoni vëmendje të veçantë pajisjeve individuale. Jo medoemos janë të pajisura me fshirëse të fenerëve ose mbështetëse krahu. As rrjetat akustike të xhamit përpara, gjë e cila më parë ishte ndryshe.
- Nuk është më e nevojshme të këmbëngulni që të merrni fenerët premium. Halogjenët e dobët janë diçka e së shkuarës, dhe dritat e reja LED janë më se të mjaftueshme, edhe në modelin e tyre standard.
- Gama e motorëve përbëhet nga evolucioni më i fundit i njësive TSI dhe TDI. Një klient i kujdesshëm me shumë mundësi do ta shmangte motorin 2.0 TDI në versionin 147 kW. Ai ka pasur disa probleme me konsumin e vajit dhe rrjedhje të ndryshme në disa vetura të VW Group. Pjesa tjetër e motorëve punojnë mirë, dhe madje edhe motori bazë me tri cilindra në modelin 30 TFSI ofron dinamikë të pranueshme në qytet.
- Shkurtimi CoD këtu nuk i referohet serisë së famshme me lojëra, por një sistemi për çaktivizimin e cilindrave. Audi përdor shprehjen e vet për këtë gjë, “Cylinder on Demand”, në vend se “Active Cylinder Technology” që përdoret nga markat e tjera brenda VW Group.
- Siç ndodhte me të gjitha veturat e tjera, gjenerata e re e A3 solli edhe një variant hibrid plug-in. Emërtimi 45 TFSIe tregon kombinimin e një njësie 1.4 TFSI dhe të një motori elektrik 80 kW, i cili tani është mjaft i njohur për mijëra shoferë në gjithë Evropën. Një karikim i vetëm i baterisë 13 kWh ju jep mundësi të udhëtoni 63 km, sipas të dhënave të homologuara, por në praktikë mund të parashikoni që të bëni rreth 40 deri në 50.
- Modeli sportiv S3 shtyhet nga një motor 2.0 TFSI me 228 kW (310 hp). Një transmision me dy freksione (i quajtur “S tronic” sipas terminologjisë së Audi, por është thjesht sistemi i gjithëpranishënm DSG i VW) dhe sistemi katër herë katër vijnë si opsion standard. RS3 i nivelit më të lartë ofron zhurmën e veçantë të motorit 2.5 TFSI me pesë cilindra, një fuqi të jashtëzakonshme prej 294 kW (400 hp), dhe një “diferencial” aktiv të pasmë, i cili përbëhet nga dy freksione të kontrolluar në mënyrë elektronike, të cilët janë në gjendje të transmetojnë shumicën e forcës shtytëse në rrotat e pasme, dhe ofron gjithashtu një modalitet të veçantë për “drifting”.
- Në fillim të prodhimit, as A3 nuk ishte kursyer nga problemet e ngjashme me veturat Golf, megjithatë shumica e tyre u zgjidhën nëpërmjet rregullimeve në softuer.
- Në vitin 2024, veturës kompakte Audi iu bë një përmirësim, megjithatë kjo nuk solli ndonjë ndryshim të madh në pamje apo në teknologji. Përveç disa ndryshimeve të vogla vizuale, ndoshta ndryshimi më i madh ishte shtimi i një kroskoti digjital si opsion standard për të gjitha versionet. Disa pjesë të reja të pajisjeve janë gjithashtu të disponueshme me abonim.
Kur zgjedhni Audi A3 të ëndrrave tuaja në Carvago.com, ne dërgojmë një mekanik që t’i bëjë një inspektim CarAudit të detajuar dhe që t’ju dërgojë një raport të plotë lidhur me gjendjen e saj, si edhe fotografi. Nëse jeni të kënaqur me rezultatin dhe vendosni ta bleni veturën, ne marrim përsiper gjithçka, që nga vetë blerja dhe transporti në vendin tuaj deri te regjistrimi i veturës. Gjithçka që duhet të bëni është të prisni momentin kur ne ta parkojmë veturën para shtëpisë suaj.
