Thuhet se gjërat e bukura rrallëherë janë praktike – por ndonjëherë është krejt e kundërta. Është e pamundur që kjo kuti katrore nga Volkswagen të fitojë ndonjë çmim në kategorinë e veturave elegante, megjithatë është shumë e kërkuar në tregun e veturave të përdorura. Dhe kuptohet arsyeja. Edhe pse ka një pamje disi kompakte, Touran është e bollshme brenda dhe ofron mjaft variacion, si edhe një një implementim teknik të sinqertë në të gjitha aspektet e veturës, duke filluar nga ulëset e rehatshme deri te mënyra si performon në rrugë.
Një dobi e dizajnit konservator është fakti që i reziston kohës. Edhe në vitin 2024, Touran nuk duket i vjetër, edhe pse gjenerata e dytë më e fundit (e quajtur 5T sipas emërtimit të VW) është lançuar para nëntë vitesh! Në Carvago.com mund të zgjidhni mes 3.800 veturave Volkswagen Touran, dhe shumica e tyre janë të gjeneratës së dytë.
Volkswagen Touran i përdorur: Motor, pajisje, besueshmëri
- Edhe pse Touran është 10 cm më i shkurtër se VW Golf Variant (estate), në fakt bazamenti i rrotave është 10 cm më i gjatë! Si rrjedhojë, hapësira gjatësore në kabinë është mjaft e bollshme.
- Seria me 7 ulëse ka kapacitet të bagazhit prej 633 l, ndërsa seria me 5 ulëse arrinë deri në 743 l. Më e rëndësishmja është se raporti mes hapësirës për pasagjerët dhe hapësirës për bagazhet mund të ndryshohet duke lëvizur reshtin e dytë të ulseve.
- Touran është projektuar në kohën kur Volkswagen nuk kishte filluar ende të ndiqte modernen dhe të fuste duart te pika më e fortë e tij – lehtësia në përdorim. Si rrjedhojë, vetura shkëlqen në ergonomi, jo vetëm te zona kryesore, pra te timoni dhe te trekëndëshi rrotë-ulëse-pedale, por edhe te zona dytësore. Kontrolluesit janë të qartë, të vendosur në mënyrë logjike dhe të lehtë në përdorim.
- Pamja jashtë veturës është gjithashtu e shkëlqyer, jo vetëm për shoferin, por edhe për pasagjerët e vegjël në rreshtin e dytë të ulseve.
- Hapësirat e shumta praktike për objektet e ndryshme të vogla sigurisht që janë të dobishme në udhëtimet e gjata me familjen.
- Ju rekomandojmë të kërkoni vetura të pajisura me ulëse të parme ergoActive, të cilat janë të çertifikuara nga organizata ortopedike gjermane AGR. Ato janë të lëvizshme në mënyrë universale dhe sigurojnë mbështetje të mirë për shpinën, në mënyrë që edhe udhëtimet e gjata për pushime në det të mos jenë tepër të lodhshme.
- Touran i parë linte shumë për të dëshiruar për sa i përket cilësisë në prodhim. Prodhuesi nxori mësim, prandaj veturat e gjeneratës së dytë duken fantastike pavarësisht sa kilometra kanë bërë.
- Për kategorinë ku bën pjesë, Touran i përballon kthesat me finesë të habitshme. Ia vlen vërtet nga fakti që ofron rehati mesatare në amortizim gjatë udhëtimit në rrugë me gropa, sidomos në rastin e veturave me rrota të mëdha.
- Shumëllojshmëria e motorëve është e madhe. Ne rekomandojmë motorin 2.0 TDI, sidomos variantin 110 kW (150 kuaj). Jo vetëm që është më i lirë se versioni më i fuqishëm 140 kW (190 kuaj), por ofron edhe fuqi të konsiderueshme në xhiro të ulëta, dhe kjo në këmbim e bën të ndihet më i gjallë dhe më i shpejtë në kushte punimi standarde.
- Motori me benzinë është 1.4 TSI, i cili disponohet për modelet e nxjerra para modernizimit të vitit 2018. Modeli më i ri 1.5 TSI është më i ndërlikuar në projektim, dhe vitaliteti i tij pa dyshim tregon se është homologuar në standarde më të rrepta për sa u përket emetimeve.
- Sidoqoftë, asnjë prej motorëve nuk është problematik, por kjo nuk mund të thuhet për gjeneratën e parë. Prandaj mund të zgjidhni e të merrni atë që ju duhet, për aq sa jua lejon buxheti, pa pasur frikë. Por kur bëhet fjalë për versionet më të dobëta, për modelin 1.2 TSI dhe për modelin më të ri 1.0 TSI, mbani parasysh se këta mund të lodhen pak në autostradë kur sforcohen në maksimum.
- Gjatë inspektimit të Touran-ëve me transmision automatik, teknikët e Carvago përqendrohen, ndër të tjera, te qetësia e kutisë së transmisionit “dry” DSG me dopio-freksion, i cili është përdorur me motorët me benzinë. Motorët me naftë kanë një DSG më të fortë me freksion me vaj, i cili është më rezistent, nëse respektohen intervalet e rregullta të mirëmbajtjes.
- Përveç kësaj, defektet që janë gjetur përgjithësisht në inspektimet tona CarAudit janë të vogla, si për shembull hapje elektrike disi me probleme e derës së pestë, ose rrjedhje në çatinë panoramike.
Kur zgjidhni Volkswagen Touran të ëndrrave tuaja në Carvago.com, ne dërgojmë një mekanik që t’i bëjë një inspektim CarAudit të detajuar dhe që t’ju dërgojë një raport të plotë lidhur me gjendjen e saj, si edhe fotografi. Nëse jeni të kënaqur me rezultatin dhe vendosni ta blini veturën, ne kujdesemi për gjithçka, që nga blerja dhe importi, deri te regjistrimi në regjistrin e mjeteve motorike. Gjithçka që duhet të bëni është të prisni momentin kur ne të parkojmë veturën para shtëpisë suaj.