Ndërkohë që zhvillimet më të fundit në tregun e veturave të reja tregojnë se një fitore vendimtare e veturave elektrike kundrejt motorëve me lëndë djegëse do të vijë më shpejt nga ç’e presin politikanët, klientët dhe prodhuesit, popullariteti i veturave elektrike të përdorura po rritet me të shpejtë. Shoferët në gjithë Evropën po fillojë të kuptojnë se një veturë elektrike më e vjetër me kosto operimi të favorshme (rreth €0,05/km nëse karikohet në shtëpi) dhe përdorimi i thjeshtë, e bëjnë të jetë ideale si veturë e dytë ose e tretë e familjes. Është e vërtetë që distanca e përshkueshme me një karikim bie ndërsa bateria vjetrohet, por edhe ato 100-150 km që veturat elektrike të vjetra e të lira mund të përballojnë, mjaftojnë për shumë njerëz që të bëjnë pazarin, të shkojnë te mjeku ose në punë. Kjo është arsyeja pse kemi zgjedhur pesë modele që mund të punojnë me besueshmëri edhe vite më vonë, që nuk kanë nevojë për ndërrim të baterisë dhe që kanë çmim të përballueshëm edhe për familjet me të ardhura mesatare.
‼️ Mund të gjeni informacionet më të rëndësishme rreth teknologjisë së veturave elektrike dhe se çfarë do të thotë të kesh një të tillë tek Udhëzuesi për veturat elektrike dhe hibride.
BMW i3
2011–2019
Kjo veturë elektrike me formë futuriste me trup kompozit ka qenë shumë e përparuar për kohën e saj. Ajo ka vazhduar të prodhohet për thuajse një dekadë dhe kohët e fundit është renditur në krye si një nga veturat elektrike të përdorura më të shitura. Distanca më e gjatë e përshkueshme mund të gjendet te veturat e prodhuara pas vitit 2018, kur BMW i3 u pajis me një bateri 120 Ah. Vini re se për këtë model prodhuesi nuk e listoi kapacitetin në njësinë kWh të përdorur shpesh. 120 Ah e përmendur më sipër konvertohet në 42 kWh. Varianti “range extender” (REX) të cilit i është shtuar një motor me djegie duket në letër se është mënyra ideale për të shmangur zbrazjen e baterisë pa mbërritur te një karikues. Megjithatë, në praktikë REX solli me vete kosto shtesë në blerje dhe shërbime. BMW e hoqi nga prodhimi në vitin 2019, ndaj ne nuk e rekomandojmë shpesh. Varianti më i vjetër i3 me bateri 60 Ah mund të arrijë të përshkojë 100 km me një karikim, dhe mund të prisni më shumë se dyfish nga modelet më të reja. Mund të mësoni më shumë rreth BMW i3 të përdorur në artikullin e dedikuar të tij.
👉 Shfletoni gamën aktuale të BMW i3 të Carvago by Gjirafa
Hyundai Ioniq Electric
2016–2022
Modeli Ioniq u prodhua me një sistem hibrid të plotë, hibrid plug-in dhe krejtësisht elektrik. Sot do të përqendrohemi te ky i fundit. Versioni kompakt sallon ofron hapësirë të mjaftueshme për katër veta dhe është i pajisur me aerodinamikë të shkëlqyer e cila i jepte mundësi të përshkonte distanca mahnitëse edhe me një bateri relativisht të vogël (28 kWh, ose 38 kWh pas një përmirësiminë vitin 2019). Edhe pse vetura e përmirësuar e pajisur me një motor më të fuqishëm që shoqëronte baterinë (100 në vend të 88 kW), praktikisht karikimi i shpejtë DC u bë më i ngadaltë. Megjithatë, ky nuk është problem nëse, siç e thamë më lart, vetura shërben si makinë e dytë në shtëpi për udhëtime të shkurtra, pasi në këto raste do të karikohet me energji AC gjatë natës. Bateria është e besueshme; ajo që ka më tepër gjasa të prishet është bateria me plumb e motorinos. Gjatë kontrolleve që bëjmë, vërejmë shpesh zhurmë të lartë që del nga motori elektrik e cila shkaktohet nga kushinetat me defekt.
👉 Shfletoni gamën aktuale të Hyundai Ioniq Electric të Carvago by Gjirafa
Smart Fortwo EQ 453
2017–2023
Vetura elektrike Smart u shfaq për herë të parë në vitin 2012. Tani na intereson gjenerata 453, e prodhuar deri vitin e kaluar. Njëlloj si në rastin e versioneve me motor me djegie, Smart disponohej në dy variante: Coupé dhe Cabrio e famshme me çati që paloset. Nga fillimi deri në fund, ky model është prodhuar gjithnjë me të njëjtin motor. Një motor elektrik i montuar mbrapa me 60 kW u jepte fuqi rrotave të pasme dhe ai vetë merrte energji nga një bateri litiumi me kapacitet nominal 17,6 kWh (16,7 prej të cilave ishin të përdorshme). Pas kalimit në standardin më të rreptë WLTP, distanca e përshkueshme e Smart u rendit në 133 km. Në praktikë, kjo i afrohej njëqind kilometrave në përdorim normal. Në një veturë të re. Në veturat më të vjetra që kanë bërë shumë kilometra, distanca e vërtetë mund të bjerë në diku 70–80 km. Megjithëse aspekti kozmetik i veturave të përdorura ka prirjen të mos jetë dhe aq i përkryer, mekanikët e Carvago nuk hasin ndonjë problem më të rëndë se kaq kur kontrollojnë veturat Smart ForTwo EQ të përdorura.
👉 Shfletoni gamën aktuale të Smart ForTwo EQ të Carvago by Gjirafa
Volkswagen e-Golf
2014-2020
Kush e mban mend ende sot se Volkswagen ishte një nga pionierët e transportimit me emetime zero? Ai prezantoi versionin elektrik të veturës më të shitur të tij dhjetë vjet më parë. Vjetërsia e modeleve më të vjetra dhe ftohja pasive e përdorur për baterinë mund të ngjallë frikë, por bateria punon mirë edhe pas shumë vitesh, për sa kohë pronari i mëparshëm nuk e ka përdorur tepër shpesh karikimin DC. Garancia tetëvjeçare e VW mbulon një rënie në kapacitetin e baterisë nën nivelin 70 përqind. Modelet e-Golf më të vjetra pranë kësaj vlere nuk janë më brenda garancisë, megjithatë shumica vazhdojnë të punojnë mirë. Ato thjesht nuk përshkon të njëjtën distancë si më parë kur janë të karikuara plotësisht. Deri në vitin 2017, modeli kishte vetëm kapacitetin 24 kWh. Një modernizim solli 12 kWh më shumë, karikim më të shpejtë “në shtëpi” dhe një motor më të fuqishëm, i cili mund të arrinte nga 0-100 km në më pak se 10 sekonda. Një avantazh i madh në muajt e dimrit është një pompë nxehtësie opsionale (e ofruar si opsion premium, sigurisht). Mund të mësoni më shumë rreth e-Golf të përdorur në artikullin e dedikuar të tij.
👉 Shfletoni gamën aktuale të e-Golf të Carvago by Gjirafa
Tesla Model S
2012–tani
Nëse deri tani nuk e keni gjetur në listën tonë veturën që doni, po e mbyllim me diçka për blerësin aventurier: Model S, modeli i parë “i prodhuar në masë” nga Tesla dhe në thelb, vetura pioniere e të gjithë segmentetit. Ishte Model S që u tregoi prodhuesve të tjerë se një veturë elektrike nuk ka pse të jetë medoemos vetëm një veturë shumë e efektshme për qytet, por mund të bëhet një veturë e fuqishme e luksoze që njerëzit ëndërrojnë vërtet. “TMS” më i vjetër tani mund të gjendet për rreth €20.000. Duhet të jeni të përgatitur për defekte të vogla, nga rrjedhjet në çatinë panoramike deri te plasaritjet në hapësirën e brendshme (cilësia në prodhim e Tesla ishte vërtet katastrofë për njëfarë kohe) e deri te defektet në dorezat elektrike të dyerve. Por përbërësi kryesor, pra sistemi elektrik dhe bateria e tij, zakonisht punojnë shkëlqyer edhe te modelet e vjetra. Sigurisht, duhet marrë parasysh që distanca reale e përshkueshme është mjaft më e ulët nga sa ishte në fillim. Por blerja e një Tesla të vjetër ka kuptim edhe nga aspekti financiar: veturat e blera para 31 dhjetorit 2016 marrin një mundësi karikimi falas për gjithë jetën në rrjetin Tesla Supercharger. Diçka tjetër e dobishme është edhe komuniteti entuziast i pronarëve, të cilët me kënaqësi të japin këshilla se si të zgjidhësh çdo problem që mund të lindë.
👉 Shfletoni gamën aktuale të Tesla Model S të Carvago by Gjirafa
Pse X nuk gjendet këtu…
Edhe pse kjo është një listë e veturave elektrike të lira, kemi përfshirë vetëm modele që mund t’i përdorni rehat si vetura standarde dhe që në këndvështrimin statistikor nuk ka gjasa të kenë nevojë prë ndërrim të kushtueshëm të baterisë. Prandaj nuk kemi përfshirë veturën Renault Twizzy fillestare dyvendëshe, veturen spartane mazokiste Mitsubishi i-MiEV (duke përfshirë binjaken e saj Citroen C-Zero dhe Peugeot iOn) ose gjeneratën e parë të Nissan Leaf. Megjithëse kjo e fundit do të ishte mjaft e dobishme në shumë familje evropiane, rreziku i problemeve me baterinë është tepër i lartë. Për këtë arsye nuk do ta gjeni Leaf të parë në Carvago; kemi filluar vetëm me gjeneratën e dytë. Modelet ose motorët që njihen se nuk janë të besueshëm, nuk kanë vend në koleksionin tonë. Edhe pse shesim vetura të përdorura, duam të ofrojmë vetëm ato vetura të cilat priten t’ju shërbejnë mirë për shumë vite pa kosto shërbimesh të tepërta.
