- Lista e zezë e Carvago by Gjirafa përmban mijëra kombinime problematike të modeleve dhe sistemeve
- Lista hartohet dhe mirëmbahet nga ekspertë që kanë vite eksperiencë në blerjen dhe mirëmbajtjen e veturave
- Para një blerjeje, të gjitha veturat e shitura në Carvago by Gjirafa i nënshtrohen një kontrolli CarAudit të detajuar në të cilin shihen një më një 270 pika inspektimi
Tregu evropian i veturave të përdorura ka një xhiro vjetore prej qindra mijëra veturave të shumë modeleve. Disa prej tyre mund të jenë një bombë e kurdisur për një blerës të painformuar – të prirura për defekte në njësitë madhore, si motori dhe transmisioni, të cilat kushtojnë shumë për t’u riparuar. Situata bëhet edhe më e vështirë sepse shpesh këto vetura i tërheqin klientët me çmimet e ulëta. Klienti i papërvojë mund t’i shohë këto si diçka me leverdi. Prandaj, Carvago by Gjirafa, platforma më e madhe evropiane për blerjen e veturave të përdorura, monitoron modelet e prirura ndaj defekteve dhe i heq nga oferta.
“Megjithëse shumica e varianteve që filtrojmë janë mjaft të njohura nga ekspertët, autosallonet e veturave të përdorura anembanë Evropës i ofrojnë rregullisht. Qasja e Carvago by Gjirafa është e ndryshme në kuptimin që duam ta themi qartë: ‘Mos i bleni këto vetura, është mashtrim.’ Këtë gjë nuk e dëgjon nga persona të tjerë në treg,” shpjegon Dardan Nimani, Head i Carvago by Gjirafa (Kosovë). “Nuk jemi te interesuar t’i shesim këto vetura që shërbejnë vetëm për pjesë këmbimi dhe për riparime. Lista e zezë e Carvago by Gjirafa është pjesë e zotimit tonë për t’u ofruar klientëve vetëm vetura të verifikuara të cilat do të funksionojnë mirë për një kohë të gjatë.”
Një analizë e ofertave në çdo vend tregon se në fund të tetorit 2024, shitësit nga e gjithë Evropa ofronin 366.899 vetura problematike. Vetëm në Gjermani, tregu më i madh i veturave në Evropë dhe gjithashtu një burim i veturave të përdorura për shumë vende të tjera, ofrohen më shumë se 100.000 vetura të tilla.
Lista e zezë e Carvago by Gjirafa përditësohet vazhdimisht falë njohurive eksperte të profesionistëve të Carvago, si edhe falë eksperiencës praktike nga kontrollave tona teknike CarAudit të detajuara, të cilave u nënshtrohen të gjitha veturat që shiten përmes Carvago by Gjirafa. “Shumë njerëz i njohin mirë defektet e zakonshme të motorëve të vjetër, por motorët me ndezje me kompresion me turbo dhe me kapacitet të ulët janë po njëlloj problematikë, kryesisht ata të viteve 2010–2015. Përpjekjet e prodhuesve për t’iu përmbajtur limiteve të rrepta për sa u përket emetimeve shpesh kanë qenë në kurriz të nevojës për të krijuar një produkt rezistent,” thotë Marek Dvořák, Shef i Blerjeve Ndërkombëtare në Carvago. Rezultati përfundimtar është problemi që tani njihet mirë i rripit të fazës që shkërmoqet në vaj në motorë të tillë si, Ford 1.0 EcoBoost dhe 1.2 EB, i njohur me emrin tregtar 1.2 PureTech në Peugeot dhe Citroen, dhe 1.2 Turbo në Opel. Po kështu janë problematikë disa motorë të BMW, si edhe transmisioni me dopio freksion të lagur PowerShift i montuar në shumë modele Ford dhe Volvo, ose bateritë që degradohen shpejt në Nissan Leaf të gjeneratës së parë. Dhe shumë të tjera.”
Shembuj të modeleve me defekte që nuk i gjen në Carvago
1. Ford Focus 1.0 EcoBoost 3rd Gen (deri në vitin 2018)
Problemet më të zakonshme: Pakujdesi në lënien e tolerancave të valvulave ngaqë është një procedurë e vështirë; defekte mekanike të shkaktuara nga pjesët e rripit të fazës që shkërmoqet në vaj
Alternativë më e mirë: Ford Focus 1.0 EcoBoost i gjeneratës së katërt i pajisur me një motor të ndërtuar krejt ndryshe
2. Mazda CX-5 Skyactiv-D (deri në vitin 2018)
Problemet më të zakonshme: Boshte të konsumuara, rigjenerim i shpeshtë i DPF, grumbullim i karbonit etj.
Variant më i mirë: Mazda CX-5 Skyactiv-D nga viti 2018 e më tej me AdBlue, ose më mirë, me motor me benzinë
3. Peugeot 308 1.6 THP (deri në vitin 2015)
Problemet më të zakonshme: Defekte mekanike për shkak të grumbullimit të shpejtë të karbonit
Variant më i mirë: Peugeot 308 1.6 THP nga viti 2015 e më tej, ose 1.5 BlueHDi
4. Renault Mégane 1.2 TCe (deri në vitin 2018)
Problemet më të zakonshme: Cilindra të konsumuar për shkak të hollimit të vajit me benzinë
Variant më i mirë: Renault Mégane me motor të ri 1.3 TCe (nga viti 2018 e më tej) i krijuar në bashkëpunim me Mercedes-Benz
5. Volkswagen Golf 1.4 TSI EA111 (deri në vitin 2012)
Problemet më të zakonshme: Dëmtim mekanik në motor për shkak të rrëshqitjes së rripit.
Alternativë më e mirë: Volkswagen Golf 1.4 TSI i gjeneratës së shtatë me motor nga seria EA211
Vetëm këto pesë variante të modeleve problematike përbëjnë rreth 30 mijë shitje të veturave të përdorura në Evropë çdo vit. Megjithatë, lista e zezë e Carvago që përditësohet vazhdimisht përfshin qindra mijëra kombinime të tjera të rrezikshme të modeleve, motorëve, transmisioneve dhe viteve të prodhimit.
Lista e zezë e Carvago by Gjirafa është një nga themelet e një nisme të quajtur Carvago për blerje të sigurta, që vërteton se edhe blerja e një veture të përdorur mund të jetë një eksperiencë e këndshme dhe pa rrezik. Nisma përfshin një kontrollë CarAudit të detajuar, i cili merret me të gjitha formalitetet, përgatitjen para shitjes, dërgimin në shtëpinë tuaj dhe një garanci gjashtëmujore, duke përfshirë mundësinë për ta kthyer makinën brenda 14 ditësh nga dita e dorëzimit.
