- Mazda MX-5 është makina sportive më e shitur në Carvago në 12 muajt e fundit
- Klasifikimet e makinave që janë vetëm sportive dominohen kryesisht nga variantet më ekonomike rodster dhe coupé. Megjithatë, dhjetëshja më e mirë përfshin edhe makinat sportive premium, si Jaguar F-Type ose Porche Cayman
- Shumë të kërkuara në Carvago janë edhe derivatet sportive të modeleve gjermane premium, nga Audi S5 deri te makina elektrike BMW i4 M50
Carvago, platforma më e madhe online për blerjen dhe shitjen e makinave të përdorura në Evropë, ka publikuar statistikat e shitjeve të makinave sportive. Makina sportive më e shitur në Carvago është legjendarja Mazda MX-5, e pasuar nga ikona amerikane Ford Mustang dhe rodsteri premium BMW Z4.
“Edhe në epokën dixhitale, klientët kërkojnë makina që ofrojnë, si të thuash, një eksperiencë drejtimi analoge” thotë Dardan Nimani, Head of Carvago by Gjirafa. “Blerjet online u japin mundësi të gjejnë me lehtësi modelin e ëndrrave edhe nëse është e vështirë të gjendet në vendin e tyre. Në këtë mënyrë, Carvago u jep mundësi të gjejnë makinën sportive të ëndrrave nga rehatia e shtëpisë, duke u dhënë edhe qetësinë se nuk do të kenë të papritura të pakëndshme kur të vijë makina.”
Një pamje më nga afër e klasifikimeve të makinave sportive tregon dominimin që kanë variantet kompakte rodster dhe coupé, të cilat ofrojnë kënaqësinë e drejtimit të makinës me një çmim relativisht të përballueshëm. Makina çmimfituese Mazda MX-5 ka qenë e famshme për kohë të gjatë falë dizajnit të lehtë dhe shkathtësisë në kthesa. Në vendin e dytë është Ford Mustang, ikona amerikane që kombinon motorin e fuqishëm tetëcilindërsh me prakticitetin e përditshëm. Në vendin e tretë qëndron rodsteri premium BMW Z4. Dhjetëshja më e mirë përfshin gjithashtu modelet motra Toyota GT86/GR86 dhe Subaru BRZ, të cilat janë me interes në kategorinë e varianteve japoneze coupé me rrotat aktive të pasme. Përveç këtyre, klasifikimet përfshijnë rodsterin italo-japonez Fiat 124 Spider (duke përfshirë variantin Abarth) ose dyshen Porche Cayman/Boxster, e cila simbolizon biletën relativisht të përballueshme për të hyrë në botën e makinave sportive të Porsche.
Makinat më të shitura në Carvago*
- Mazda MX-5
- Ford Mustang
- BMW Z4
- Audi TT
- Toyota GT86/GR86
- Fiat/Abarth 124 Spider
- Jaguar F-Type
- Porsche Cayman/Boxster
- Subaru BRZ
- Toyota Supra
*Të dhënat e brendshme të Carcago, 15 mars 2024 – 15 mars 2025
Carvago përdor një numër mjetesh për të garantuar blerje të sigurta dhe të besueshme të makinave sportive dhe makinave të performancës së lartë. Për shembull, lista e zezë e Carvago eliminon automatikisht qindra modele dhe motorë që janë të famshëm për defekte, në mënyrë që të mos futen asnjëherë në platformë. Çdo makine që shitet në Carvago i bëhet gjithashtu një inspektim teknik i detajuar i quajtur CarAudit, i cili mbulon deri në 270 pika inspektimi. Nëpërmjet inspektimeve të plota dallohen defektet e fshehura në pothuajse një të katërtën e automjeteve të inspektuara. Më pas këto makina nuk rekomandohen për shitje. Klientët mund të rrinë gjithashtu të qetë duke përfituar një periudhë 14-ditore për ta kthyer makinën pa qenë nevoja të japin arsye dhe një garanci 6-mujore. Në këtë mënyrë, Carvago kombinon në mënyrë të veçantë një numër të madh makinash sportive nga e gjithë Evropa, me garanci për cilësi dhe transparencë.
Përveç modeleve sportive të specializuara, klientët e Carvago shpesh zgjedhin variantet sportive të modeleve premium gjermane. Variantet BMW 2 dhe 4 Series ose Audi S5 janë mjaft të famshme. Makina elektrike BMW i4 M50 mund të përfshihet gjithashtu në këtë grup. Suksesi i saj tregon se klientët po fillojnë të pranojnë edhe alternativat elektrike të makinave sallon sportive, për sa kohë janë në gjendje të ofrojnë eksperiencën e duhur emocionale dhe dinamike në drejtim.
Statistikat e porosive të 12 muajve të fundit përfshijnë gjithashtu variantet e nivelit të lartë, si Audi RS7, BMW M5 Competition ose Mercedes-Benz C 63 AMG. Makinat sportive – qofshin makina të vërteta sportive ose thjesht variante më të fuqishme të modeleve relativisht të zakonshme – janë një kërkesë që vazhdon të qëndrojë stabël në tregun e makinave të përdorura. Megjithëse në shumicën e shitjeve përfshihen makinat më praktike, të dhënat e Carvago konfirmojnë se tregu evropian i makinave të përdorura vazhdon të përfshijë një komunitet të madh me entuziastë që kërkojnë një eksperiencë drejtimi më dinamike dhe më të kënaqshme.
