- Seksioni i ri “Partnerët Premium” në Carvago përmbledh ofertat e automjeteve nga tregtarë të verifikuar prej kohësh
● Te automjetet e Partnerëve Premium është e mundur rezervimi online
● Falë bashkëpunimit të ngushtë, Carvago garanton dorëzim shumë më të shpejtë të këtyre automjeteve te klientët
Platforma online Carvago lançon një seksion të ri të quajtur “Partnerët Premium”, ku ofron automjete nga tregtarë të përzgjedhur, të verifikuar dhe të besueshëm prej kohësh. Këto partneritete të veçanta lejojnë Carvago të ofrojë klientëve përfitime shtesë krahasuar me ofertën standarde – veçanërisht mundësinë e rezervimit të përkohshëm të automjetit të zgjedhur dhe një dorëzim dukshëm më të shpejtë.
Partnerët Premium janë tregtarë me të cilët Carvago ka marrëdhënie biznesi të veçanta, bazuar në bashkëpunim të gjatë dhe besim të ndërsjellë. Falë këtij bashkëpunimi, Carvago mund të garantojë shërbime speciale për këto automjete. Në praktikë, kjo do të thotë që automjetet e Partnerëve Premium rezervohen për klientin për dy ditë, dhe i gjithë procesi i dorëzimit të automjetit është shumë më i shpejtë. Partnerët garantojnë akses prioritar për teknikun e Carvago për CarAudit, si dhe bashkëpunim maksimal në trajtimin e çështjeve administrative dhe logjistike, të cilat shpesh janë shkaku kryesor i vonesave në dorëzim. Ndërsa automjetet nga porositë standarde të Carvago zakonisht dorëzohen brenda 21 ditëve pune, me Partnerët Premium synohet që makina të dorëzohet te adresa e klientit në vetëm 7 ditë pune nga data e porosisë.*
“Ne kemi investuar prej kohësh në ndërtimin e besimit në blerjen e makinave online dhe vazhdojmë të kërkojmë mënyra të reja për ta thjeshtuar sa më shumë për klientët,” thotë Dardan Nimani, Head of Carvago by Gjirafa. “Partnerët Premium janë një hap i ri në përpjekjen tonë për të zgjeruar kufijtë e komoditetit dhe sigurisë në blerjen online të makinave të përdorura. Falë bashkëpunimit të ngushtë me tregtarët më të mirë në Evropë, mund të ofrojmë shërbime ekstra që do ta bëjnë procesin e blerjes edhe më të këndshëm dhe më të shpejtë për klientët tanë.”
Seksioni i ri “Partnerët Premium” është i disponueshëm për klientët në të gjitha tregjet ku vepron Carvago. Automjetet e Partnerëve Premium janë të shënuara në mënyrë të dukshme në faqe dhe mund të filtrohen lehtësisht gjatë kërkimit. Me një klikim, klienti mund të shfaqë vetëm ofertat që bëjnë pjesë në programin “Partnerët Premium”. Në momentin e përgatitjes së këtij komunikate, seksioni përmbante mbi 50,000 automjete, shumica me moshë deri në pesë vjet dhe me kilometrazh deri në 100,000 km. Carvago po negocion gjithashtu me tregtarë të tjerë të verifikuar, të gatshëm të plotësojnë standardet rigoroze të cilësisë të kërkuara për t’u përfshirë në programin “Partnerët Premium”.
Me këtë hap, Carvago zgjerojnë portofolin e shërbimeve për klientët e tyre dhe konfirmon sërish angazhimin për të sjellë inovacione që rrisin komoditetin dhe shpejtësinë e blerjes online të makinave të përdorura.
